Python არის ერთ-ერთი ყველაზე უფრო მოთხოვნადი და ხელმისაწვდომი პროგრამირების ენა მომხმარებელთა აქტიური, მუდმივად მზარდი თემით. Python შესანიშნავი საწყისი წერტილია ყველასთვის, ვინც ცდილობს კარიერა, კოდირების საშუალებით, ტექნიკურ სამყაროში გადაიტანოს. მისი სწავლა შედარებით მარტივი და წარმოუდგენლად მრავალმხრივია; გამოიყენება სხვადასხვა სფეროში – მონაცემთა მეცნიერებაში, მანქანურ დასწავლაში, თამაშის დიზაინში და ა.შ.
ცოტა ტექნიკური მხრიდან რომ შევხედოთ, Python არის ზოგადი დანიშნულების პროგრამირების ენა, რაც ნიშნავს, რომ JavaScript-ისგან, HTML-ისა და CSS-ისგან განსხვავებით, მისი გამოყენება შეიძლება ვებ-განვითარების მიღმა, მაგალითად – აპლიკაციებში. მიუხედავად იმისა, რომ ის უკვე 30 წელია არსებობს, მხოლოდ ახლახანს გახდა ერთ-ერთი ყველაზე პოპულარული პროგრამირების ენა და წარმატებით აგრძელებს ზრდას
ამ ბლოგში მოგიყვებით 5 მიზეზის შესახებ, თუ რატომ უნდა ისწავლოთ Python-ით პროგრამირება და ამის შემდეგ, განთვითარების რა პერსპექტივები არსებობს.
როგორც იცი, ახალ საქმესთან შეჭიდება ყოველთვის რთულია. დამწყებთათვის კოდირების ერთ-ერთი ყველაზე დიდი დაბრკოლება ახალი ენის შესწავლაა, რომელიც სულაც არ ჰგავს იმას, რასაც ისინი რეალურ ცხოვრებაში კითხულობენ და წერენ. თუმცა, Python მოიცავს ინგლისურ სინტაქსს, რომელიც შექმნილია ისე, რომ იყოს ლაკონური და ადვილად წასაკითხი – ეს კი მას სხვა ენებთან შედარებით უფრო ხელმისაწვდომს ხდის.
Python არის ინტერპრეტირებული პროგრამირების ენა, რაც ნიშნავს რომ კოდის თითოეული ხაზის წერის დასრულებისთანავე, შეგიძლია შეამოწმო იგი და საჭიროების შემთხვევაში შეცვალო. რაც დამწყებთათვიის ძალიან ხელსაყრელია როგორც დროის მენეჯმენტისთვის, ისე – ეფექტურობისთვის.
Python-ის მრავალმხრივობაში იგულისხმება, რომ მისი გამოყენება შესაძლებელია როგორც მცირე, ისე – რთულ ამოცანებში. მას იყენებენ სხვადასხვა ინდუსტრიებში: დაწყებული მონაცემთა მეცნიერებისა და პროგრამული უზრუნველყოფის ინჟინერიის სფეროდან, დასრულებული მობილური აპლიკაციების შემუშავებით, ხელოვნური ინტელექტითა და მანქანათმცოდნეობით. ეს მრავალმხრივი გამოყენება განპირობებულია პითონის ბიბლიოთეკების ფართო სპექტრით (125000-ზე მეტი). ეს ბიბლიოთეკები არის წინასწარ დაწერილი კოდების კრებულები კონკრეტულ ენაზე, რომლებზეც ყველას შეუძლია წვდომა ჰქონდეს, რაც იმას ნიშნავს, რომ მას შემდეგ, რაც გაიგებ პითონის საფუძვლებს, შეძლებ გაიგო და გამოიყენო სხვა პროგრამისტების მიერ შემუშავებული კოდების დიდი რაოდენობა.
Python-ის მრავალფეროვნების კიდევ ერთი მნიშვნელოვანი ასპექტია პროგრამირების სხვა ენებთან მუშაობის უნარი. მისი მოქნილობის რამდენიმე მაგალითია: Jython (Python ინტეგრირებული Java-სთან) და CPython (Python ინტეგრირებული C-თან). და ბოლოს, Python გთავაზობთ ქროს-პლატფორმულ ფუნქციონირებას, რაც იმას ნიშნავს, რომ ის გამართულად იმუშავებს Windows-თან, Linux-თან თუ macOS-თან.
Python-ს იყენებენ ისეთი მსხვილი კომპანიები როგორიცაა: DropBox, Netflix და Facebook; ამიტომაც მის დეველოპერებზე საკმაოდ მაღალი მოთხოვნაა. სამსახურის ძებნის ერთ-ერთი ყველაზე დიდი პლატფორმის, Indeed-ის მიხედვით, Python დეველოპერების საშუალო ხელფასი 108,391 დოლარია, რაც მას პროგრამირების ენების რიგში, მეოთხე ადგილზე აყენებს – Ruby ($120,174), C++ ($114,000) და JavaScript ($111,623) შემდეგ. აქვე გეტყვი, რომ საქართველოში Python დეველოპერის საშუალო თვიური ხელფასი 4300 ლარია.
როდესაც სწავლობ პროგრამირების ახალ ენას, დაწმუნებული უნდა იყო, რომ გყავს პროგრამისტების საზოგადოება, რომელსაც შეგიძლიათ მიმართო კითხვებით, როდესაც პრობლემა წამოიჭრება. სწორედ ძლიერი და მზრუნველი თემია Python-ის ერთ-ერთი უპირატესობა, რასაც მოწმობს 1,5 მილიონი GitHub საცავი, რომელიც პლატფორმის სიდიდით მეორე ადგილასაა.
Python-ს ასევე აქვს სოციალური ფორუმების საკუთარი ქსელი, სადაც მომხმარებლებს შეუძლიათ განიხილონ ყველაფერი – სამუშაო პროცესიდან დაწყებული პროგრამული უზრუნველყოფის შემუშავებით დასრულებული. და ისინი ასევე ხშირად აწყობენ შეხვედრებს მთელს მსოფლიოში – საზოგადოებისა და ცოდნის ბაზების შესაქმნელად.
თუ ჯერ კიდევ ვერ დარწმუნდი Python-ის უპირატესობაში, იმედია რიცხებს მაინც დაუჯერებ. რადგან პროგრამირების ენების პოპულარობის ინდექსის (PYPL) მიხედვით, Python არის ყველაზე პოპულარული პროგრამირების ენა ინტერნეტში – და როგორც ჩანს, დიდხანს გაგრძელდება ასე. TIOBE-მ მას 2020 წლის პროგრამირების ენის ჯილდო მიანიჭა, რადგან მან პოპულარობა სხვა ენებზე სწრაფად მოიპოვა.
მანქანათმცოდნეობის, მონაცემთა მოდელირებისა და ხელოვნური ინტელექტის მსგავსი სფეროების ზრდის პარალელურად, იზრდება მოთხოვნა პითონთან დაკავშირებულ უნარებზე. ეს ყველაფერი კი ნიშნავს, რომ თუ შენ ეძებ პროგრამირების ახალ ენას, ან ეძებ საწყის წერტილს პროგრამირების სფეროში – Python გონივრული არჩევანია.
ასე რომ, თუ მზად ხარ რომ კოდების სამყაროში შეაბიჯო, შემოგვიერთი! Python მომდევნო მიღებაზე რეგისტრაცია უკვე დაწყებულია
