ბევრი ადამიანისთვის პროფესიის შერჩევა საკმაოდ რთული პროცესია და ვფიქრობ, ძალიან მაგარია, როდესაც ზუსტად იცი, რისი გაკეთება მოგწონს.
UX (User Experience) Designer ფაქტობრივად, გვევლინება ფსიქოლოგისა და სოციოლოგის როლში, სწავლობს შენს გამოცდილებას და ამის მიხედვით კვალავს გზას, როგორ იყოს აპლიკაცია უფრო მარტივად გამოსაყენებელი, ესთეტიურად სასიამოვნო და ინტერაქციული. მაგალითად, სად განლაგდეს ღილაკები, რა რაოდენობით იყოს ინფორმაცია ციფრულ პროდუქტში, რა შესაძლებლობები უნდა შემოგთავაზოს აპლიკაციამ/ვებგვერდმა და ა.შ.
ამიტომ თუ UX Research & Design-ით ხარ დაინტერესებული, გეტყვი რომ სწორ ადგილას შემოგიხედავს, რადგან ამ ბლოგში მინდა UX Research & Design-ის კურსდამთავრებული, ანი ქარდავა გაგაცნო.
სხვადასხვა სფეროსა და პროფესიის კვლევისა და უამრავი გამოცდილების შემდეგ, ანიმ იპოვა UX დიზაინი, რომელიც ნამდვილად აინტერესებდა. თავდაპირველად ის საკუთარი ძალებით ცდილობდა დიზაინის შესწავლას, რისთვისაც სხვადასხვა ონლაინ კურსებსა და სტატიებს იყენებდა, თუმცა მალევე მიხვდა, რომ ვალიდური კვლევისა და მენტორის დახმარების გარეშე, სწორ პროდუქტს ვერ შექმნიდა. ამიტომ, აირჩია ქომსქულის UX Research & Design-ის კურსი.
UX დიზაინის პროცესში კვლევის გარეშე კარგი პროდუქტის შექმნა შეუძლებელია, მეც გადავწყვიტე ამ კურსის გავლა. თან მსურდა, ყველა ის ცოდნა, რაც თავში ქაოტურად მქონდა, რაღაცნაირად დამელაგებინა.
კურსმა ანის მოლოდინები 100%-ით გაამართლა, რადგან მისი თქმით, ამ კურსში მიიღებ ცოდნას დიზაინის პროცესის ყველა ეტაპზე, დაწყებული კვლევიდან, დასრულებული ტესტირებით და საბოლოო დიზაინით. მისი გამოცდილებით, კურსში ყველაზე მნიშვნელოვანი ლექტორების პროფესიონალიზმი და სტუდენტებისადმი დამოკიდებულება იყო, რადგან თეორიისა და პრაქტიკული ნაწილის გარდა, ისინი სტუდენტებს საკუთარ გამოცდილებასა და ფიდბექებს უზიარებდნენ.
ლექციები იმდენად საინტერესოა, რომ სამი საათის განმავლობაში სრულად ჩართული ხარ და ყველა ფრაზა იმდენად ღირებულია, რომ არ გინდა რაიმე მცირე დეტალიც კი გამოგრჩეს.
ფინალური პროექტის ფარგლებში ანიმ შექმნა სოციალური ქსელის ტიპის აპლიკაცია, სადაც ბევრი ფუნქციონალია ინტეგრირებული. საწყის ეტაპზე კი ჩაატარა რაოდენობრივი და თვისებრივი კვლევები, შექმნა მომხმარებლის გადაადგილების რუკები, storyboard-ები, user flow, task flow, sitemap, wireframe-ები და mockup-ები. გამოყენებადობის ტესტირების საფუძველზე კი შექმნა საბოლოო პროდუქტი.
მთელ ამ პროცესს დიდი დრო დავუთმე და მუდმივი უკუკავშირის შედეგად შევქმენი ჩემი პირველი პროექტი. ყველა ჩვენგანმა საოცარი ემოციებით და შთაბეჭდილებებით დავასრულეთ კურსი.
ანის აზრით, ამ სფეროში უმნიშვნელოვანესია დისციპლინა და საკუთარი თავის მუდმივი განვითარება, სხვანაირად, წარმოუდგენელია გახდე კარგი დიზაინერი, მომხმარებლებს პროდუქტთან ურთიერთქმედების სასიამოვნო გამოცდილება შეუქმნა და დაეწიო იმ ტემპს, რა ტემპითაც ეს სფერო ვითარდება. ამიტომაც ვინც UX დიზაინითაა დაინტერესებული, ანი COMMSCHOOL-ს ურჩევს, სადაც დაგხვდება საოცარი გარემო, საოცარი დამოკიდებულება და ძალიან, ძალიან მაგარი ლექტორები!
აქვე მინდა აღვნიშნო, რომ მუდმივად მქონდა შეგრძნება, რომ Commschool ჩვენზე ზრუნავდა, მთელი გუნდისთვის ძალიან მნიშვნელოვანია სტუდენტები და მათი განვითარება.
ასე რომ, თუ ეძებ კურსს, სადაც არა მხოლოდ შეისწავლი მომხმარებლის გამოცდილებაზე დაფუძნებული დიზაინისა და კვლევის შექმნას, არამედ რეალურ გარემოში შეგეძლება შენივე ცოდნის გამოყენება, გადადგი პირველი ნაბიჯი და შემოგვიერთდი!
