UX კვლევა & დიზაინი არის პროცესი, რომლის დროსაც კომპანია აგროვებს ინფორმაციას მისი მომხმარებლების შესახებ. კერძოდ, როგორია მათი ქცევა, საჭიროებები, მოთხოვნები. ამ ინფორმაციას კი იყენებენ ციფრული პროდუქტისა თუ სერვისის ფუნქციონალების გასაუმჯობესებლად. ეს უზრუნველყოფს საუკეთესო სამომხმარებლო გამოცდილების შექმნას, რაც პროდუქტის წარმატების საწინდარია.
დღეს UX კვლევა და დიზაინი ერთ-ერთი მოთხოვნადი და მაღალანაზღაურებადი მიმართულებაა. ციფრული პროფესიით დაინტერესებულებს კი გირჩევთ, რომ ამ ბლოგს გაეცნოთ, სადაც მარიამ უჯმაჯურიძეს გაგაცნობთ. ის Commschool-ში UX კვლევასა და დიზაინს დაეუფლო, ახლა კი მისი გამოცდილების შესახებ საუბრობს.
მარიამი კრედო ბანკში ციფრული ოპერაციების ოფიცრად მუშაობს. ბოლო ორი წელია, რაც UX დიზაინით დაინტერესდა და ამ მიმართულებით კარიერის ცვლილებაზე დაფიქრდა. Commschool-ში მოსვლამდე დიზაინის სხვა კურსები გაიარა, მაგრამ ყველა ეს კურსი მხოლოდ Figma-ს შესწავლას მოიცავდა და UX კვლევას ნაკლები ყურადღება ეთმობოდა. ამიტომაც კურსის არჩევა გადაწყვიტა, რათა UX დიზაინის შესახებ სიღრმისეული ცოდნა გამოცდილი პროფესიონალებისგან მიეღო.
კურსი ძალიან ნაყოფიერი იყო და მოლოდინები სრულად გაამართლა. ვისწავლე ბევრი რამ, როგორც კვლევის, ასევე დიზაინის ნაწილში. შევიძინე გამოცდილება, რომელიც დარწმუნებული ვარ, პროფესიულ საქმიანობაშიც გამომადგება.
ამ კურსის გავლა მარიამისთვის ძალიან სასიამოვნო იყო. სტუდენტები და ლექტორები ძალიან თავისუფლები და გახსნილები იყვნენ, რაც მისთვის მუშაობის პროცესს უფრო ამარტივებდა. ლექციის დროს ლექტორები მაქსიმალურად ცდილობდნენ მათი ცოდნის გაზიარებასა და საინტერესო ქეისებზე მსჯელობას. საბოლოოდ კი, კურსის გავლის შემდეგ, დარწმუნდა, რომ ეს მიმართულება ნამდვილად აინტერესებს და მისი კარიერის გაგრძელებასაც ამ მხრივ გეგმავს.
მათ, ვისაც UX მიმართულებით კარიერის გაგრძელება სურს, ვურჩევდი UX კვლევის და დიზაინის კურსის გავლას Commschool-ში. ეს კურსი დაგეხმარებათ იმის გარკვევაში, თუ რამდენად მოგწონთ ეს სფერო და ამ მიმართულებით პრაქტიკულ ცოდნას მოგცემთ.
მარიამმა პროგრამის ფარგლებში შეისწავლა ციფრული პროდუქტის შექმნა დიზაინერული აზროვნების მეთოდოლოგიით, პროტოტიპის შექმნა, მისი ტესტირება და გაზომვა. შედეგად, მას უკვე დამოუკიდებლად შეუძლია მომხმარებლის კვლევის ჩატარება და ანალიზი და მიღებული ინფორმაციის გამოყენებით მომხმარებელზე მორგებული ინტერფეისის შექმნა და გაუმჯობესება.
პრაქტიკაზე დაფუძნებული სწავლების ერთ-ერთი გამორჩეული ნაწილი ფინალური პროექტია. მასზე სტუდენტები ინდივიდუალურად მუშაობენ და საინტერესო გამოცდილებას იღებენ. ფინალური დავალებისთვის მარიამს აპლიკაცია, ფაქტობრივად, ნულიდან უნდა შეექმნა. ამისთვის უნდა ჩაეტარებინა პოტენციური მომხმარებლების კვლევა, გაევლო იდეების შემუშავების ეტაპი, აეწყო პროტოტიპი და შემდეგ დაეტესტა მომხმარებლებთან.
მარიამმა წიგნების აპლიკაციის შექმნა გადაწყვიტა, სადაც მომხმარებლები შეძლებდნენ წიგნების შერჩევას, შეფასებების დაწერას, სხვა მკითხველებთან დამეგობრებასა და მკითხველების საზოგადოებაში გაწევრიანებას. როგორც აღნიშნავს, აპლიკაციაზე მუშაობის პროცესი ძალიან საინტერესო იყო. კვლევისას რესპონდენტებისგან რამდენიმე სასარგებლო რჩევა მიიღო, რომლებიც შემდეგ აპლიკაციის შექმნისას გაითვალისწინა. კურსის მანძილზე უკუკავშირს იღებდა ლექტორებისგანაც, ეს კი საბოლოო პროექტის დახვეწაში დაეხმარა. საბოლოო ნამუშევრით მარიამი ძალიან კმაყოფილია ვარ და მიიჩნევს, რომ ამ კურსის გავლის გარეშე სრულყოფილი აპლიკაციის შექმნას ვერ შეძლებდა.
კურსის გავლის შემდეგ უფრო თავდაჯერებული გავხდი ჩემს, როგორც UX დიზაინერის, შესაძლებლობებში.
აქვე მარიამის რეკომენდაციებს გაგიზიარებთ, რომელთა დახმარებითაც უკეთ გაეცნობით UX კვლევისა და დიზაინის სამყაროს.
თუ ამ მიმართულებით დაინტერესდი, არ გადადო თვითგანვითარება. დეტალურად გაეცანი კურსის სილაბუსს და შემოგვიერთდი Commschool-ში!
