ვახტანგ ტივაძე

კურსმა გადააჭარბა ჩემს მოლოდინებს. მივიღე იმაზე გაცილებით მეტი, ვიდრე ველოდი. უკვე არსებული ცოდნის განახლებასთან ერთად, მივიღე უამრავი ახალი და სასარგებლო ინფორმაცია, რაც შემდგომი პროფესიული განვითარების კუთხით, ვფიქრობ, მნიშვნელოვან დახმარებას გამიწევს. განსაკუთრებით საინტერესო იყო ლექტორის განსხვავებული ხედვა როგორც JavaScript-თან და React-თან, ისე პროგრამისტსა და ზოგადად პროფესიონალიზმთან მიმართებაში. კურსი გამოირჩეოდა როგორც პრაქტიკული მაგალითების სიუხვით, ისე მარტივი და გასაგები ენით ახსნილი თეორიით. კურსის განმავლობაში კიდევ ერთხელ დავრწმუნდი, რომ მყარი საფუძვლის გარეშე, სახლის აშენებას აზრი არ აქვს. ასე რომ, ვისაც გაინტერესებთ გაიგოთ, თუ რა დევს არა მარტო ზედაპირზე, არამედ – Under the Hood, ყველას გირჩევთ გაიაროთ ეს კურსი.