თინათინ გაგუა

თავიდან დავიბენი, ეჭვი შემეპარა, მეწყინა, ვინანე, გამიკვირდა, ისევ დავიბენი, აღვფრთოვანდი, გავოცდი, დავრწმუნდი, გამიხარდა, გავძლიერდი, მესიამოვნა, მადლიერების შეგრძნება განვიცადე და ბოლოს – დავაფასე. ალბათ, ვერავინ მიხვდება, რეალურად როგორ შეიძლება, 4 შეხვედრაში ყველა ეს ემოცია განიცადო, გარდა იმ ადამიანებისა, ვინც ამ კურსს დავესწარით. აქამდე ყველას სულ სხვანაირად გვქონდა დასწავლილი ბრენდი და ბრენდინგი. “ბრენდი არის ის, რასაც შენზე საუბრობენ, როცა ოთახში არ ხარ” და ათასი სხვა წარმოდგენა უჩამ პირველივე შეხვედრაზე დაგვიმსხვრია. თან კმაყოფილი იყო, ყველას სახეზე “error” რომ გადაგვეწერა. ამ 2 კვირაში კი უჩასნაირად დავიწყეთ აზროვნება და ბრენდებს სხვა თვალით დავუწყეთ ყურება – ერთხმად შევთანხმდით, რომ არსებობს გაზაფხული, ზაფხული, შემოდგომა და ზამთარი ბრენდები, როგორც ცეცხლი, მიწა, წყალი, ჰაერი.. განვიცადეთ მადლიერების შეგრძნება და რაღა თქმა უნდა – დავაფასეთ. პირველ რიგში, ყველა ის შეგრძნება დავაფასეთ, რაც ამ 4 შეხვედრაში განვიცადეთ. იმ ოთახიდან გამოსულებს მეორე სუნთქვა გაგვეხსნა და ახლა უკვე, დანამდვილებით შემიძლია ვთქვა, ბრენდების შეფასება და რაც მთავარია – დაფასება ვისწავლეთ.