რუსუდან ფანოზიშვილი

ამ კურსის შემდეგ შემიძლია ვთქვა, რომ შესაძლებელია, ისეთ კურსზე შეხვიდე, რომელთანაც აქტიური შეხება არ გქონია და იქიდან 4 შეხვედრაში ღირებული ცოდნით და, როგორც კურსის სათაურშია – ამ თემის განცდით გამოხვიდე. ამისთვის ზუსტად იმ კომპონენტების ერთობლიობაა საჭირო, რაც Sense of Branding-ზე ხდებოდა. ხოლო იქ რა ხდებოდა, ამის მოყოლა რთულია, უნდა გამოსცადო. კურსმა ჩემი მოლოდინი გაამართლა, რადგან Commschool-ისგან მაღალ ხარისხს და განსხვავებულად საინტერესო შეხვედრებს თავიდანვე ველოდი. იგივე მოლოდინი მქონდა ლექტორის, უჩა ურუშაძისგანაც და მის ცოდნასა და გამოცდილებაზე დაყრდნობით თემის ახლებურად გააზრება, ტვინის ჭყლეტვა და გამოცოცხლება კარგი მოგზაურობა იყო. საინტერესო აღმოჩნდა მონაწილეებისგან სწავლაც, მათ შორის, დავალებებზე მუშაობის და მათი გარჩევის პროცესი. Sense of Branding – აი ასეთი, ერთიანი გამოცდილება იყო, ყველას მონაწილეობით.