მაგდა გიბიშვილი

ბრენდინგის განსაზღვრება შეიძლება უამრავი ინტერპრეტაციით მოიძიო, წაიკითხო და გაიგო, მაგრამ ვერ იგრძნო. ამ კურსის ფარგლებში მივიღეთ ის, რასაც სხვაგან ვერ წავიკითხავდით, ვისწავლეთ განსხვავებულად ფიქრი და შეფასება. თითოეულ ჩვენგანს ყოველდღიურ სამუშაო პროცესში გვაწუხებს იმაზე ფიქრი, სწორად ვაკეთებთ თუ არა იმას, რასაც ვაკეთებთ, გაიგებენ თუ არა ამას ისე, როგორც ჩვენ ვხედავთ.. ეს დღეები დაგვეხმარა იმის გაანალიზებაში, რომ ბრენდის შექმნისას მთავარია გულწრფელად მიუდგე საკითხს და ზოგჯერ მარტივი სათქმელიც მნიშვნელოვნად გადმოსცე. მიმდინარე პროცესში დავალებებმა ერთი საინტერესო რამ გვაგრძნობინა – რომ ზოგჯერ ზედმეტად ვცდილობთ თავის წარმოჩენას, რომ ამის მიღმა უფრო მნიშვნელოვანი პროცესია რას ვგრძნობთ, გულწრფელად რა უკუკავშირი გვაქვს ბრენდთან და რა ტიპის კომუნიკაცია.