მონაცემების უზღვავი რაოდენობა ცვლის ბიზნესის კეთების პრინციპებს და ასევე, აჩენს მოთხოვნას მონაცემთა ინჟინრებზე, რომელთაც მათი შეგროვება, შენახვა და დახარისხება შეუძლიათ. მოსალოდნელია, რომ 2025 წლისათვის ყოველდღიურად 463 ეგზაბიტი მოცულობის მონაცემს ვაწარმოებთ. ამ მასშტაბის ინფორმაციის გადამუშავება კი დარგის სპეციალისტების გარეშე შეუძლებელი იქნება. ამიტომ, მონაცემთა ინჟინერია მომავალში მსოფლიოში მიმდინარე ცვლილებების მნიშვნელოვანი ნაწილი გახდება.
თუ პროგრამირების განხრით მუშაობ და გსურს, გამოწვევებით სავსე პროცესის მონაწილე გახდე, წაიკითხე ბლოგი და გაიგე, რა შესაძლებლობებს გთავაზობს მონაცემთა ინჟინერია.
მონაცემთა ინჟინრები მუშაობენ იმგვარი სისტემების დაპროექტებასა და შექმნაზე, რომლებიც აგროვებენ, ამუშავებენ და გარდაქმნიან პირველად მონაცემებს გამოყენებისთვის მოსახერხებელ ინფორმაციად მონაცემთა მეცნიერებისა და ბიზნეს ანალიტიკოსებისთვის. მათი მთავარი მიზანია, გახადონ მონაცემები ხელმისაწვდომი იმგვარად, რომ ორგანიზაციამ შეძლოს მისი გამოყენება ბიზნესის შესაფასებლად და ოპტიმიზაციისთვის.
ეს იმ მოვალეობათა არასრული ჩამონათვალია, რომელთა შესრულებაც შესაძლოა მოგიწიოს მონაცემებთან მუშაობის დროს:
ამ სფეროში მუშაობა ერთდროულად არის სასიამოვნო და გამოწვევებით სავსე. შენ ითამაშებ მნიშვნელოვან როლს კომპანიის წარმატებაში. ამას აღწევ იმით, რომ მონაცემებს მარტივად ხელმისაწვდომს ხდი მონაცემთა მეცნიერების, ანალიტიკოსებისა და გადაწყვეტილების მიმღები პირებისთვის. მათ ეს ინფორმაცია მათ ყოველდღიურ საქმიანობაში სჭირდებათ. ამისთვის კი დაგჭირდება პროგრამირებისა და პრობლემების გადაჭრის უნარი.
მანამ, სანამ მონაცემები არსებობს, იარსებებს მოთხოვნაც მონაცემთა ინჟინრებზე. უფრო მეტიც, 2019 წლის კვლევის მიხედვით, მონაცემთა ინჟინერია ყველაზე ტრენდული სამსახურია ტექნოლოგიურ ინდუსტრიაში. ის უკან იტოვებს კომპიუტერულ მეცნიერებს, ვებ-დიზაინერებსა და მონაცემთა ბაზების არქიტექტორებს.
გარდა ამისა, მონაცემთა ინჟინერია მაღალანაზღაურებადი პროფესიაა – 2022 წლის სტატისტიკის მიხედვით, აშშ-ში საშუალო შემოსავალი $115,176-ის ტოლია.
იმისთვის, რომ გახდე წარმატებული მონაცემთა ინჟინერი, სასურველია, რომ გქონდეს შესაბამისი ცოდნა და უნარები კომპიუტერული მეცნიერებების დარგში. ამით შექმნი იმ საფუძველს, რომელიც საჭიროა ამ სწრაფად განვითარებად სფეროში. თუ მინიჭებული გაქვს ბაკალავრის ხარისხი კომპიუტერულ მეცნიერებებში, მაშინ შეგიძლია მონაცემთა ინჟინერია მაგისტრატურაზე შეისწავლო. თუმცა უმაღლესი სასწავლებლებში სწავლის გაგრძელების გარეშეც შესაძლებელია, რომ დაეუფლო ამ პროფესიას. ამისთვის 4 ეტაპის გავლა არის საჭირო:
მონაცემთა მეცნიერებაში კარიერის საწყის ეტაპზე ისწავლე ღრუბლოვანი გამოთვლების, კოდირებისა და მონაცემთა ბაზების დიზაინის საფუძვლები. კერძოდ:
სერტიფიკატის აღება დამსაქმებლებთან შენი უნარების დამამტკიცებელი საბუთი იქნება. ამიტომ, შეისწავლე მონაცემთა ინჟინერია სასერტიფიკატო კურსზე და მიიღე შესაბამისი ცოდნა და პრაქტიკული გამოცდილება. ეს დაგეხმარება საჭირო უნარების დახვეწასა და გაუმჯობესებაში.
აქვე ახალ ამბავსაც გეტყვი – მონაცემთა ინჟინერია უკვე Commschool-ში შეგიძლია ისწავლო! თუ ფლობ პროგრამირების ენა Python-ს, მაშინ ეს პროგრამა დაგაინტერესებს. სფეროს პროფესიონალ ლექტორთან ერთად შეისწავლი მონაცემთა ინჟინერიისთვის საკვანძო ტექნოლოგიებისა და ხელსაწყოების გამოყენებას, მონაცემებისთვის ვებ-სერვისების დაპროექტებასა და სხვადასხვა Python-ის ბიბლიოთეკებს. ასე რომ, აუცილებლად გაეცანი კურსის სილაბუსს.
სამსახურის ძიების პროცესში პორტფოლიო ხშირად გადამწყვეტი კომპონენტია, რადგან იგი საუკეთესოდ აჩვენებს შენს შესაძლებლობებს. ამიტომ, შექმენი შენ მიერ დამოუკიდებლად ან კურსის ფინალური დავალების სახით შესრულებული მონაცემთა ინჟინერიის პროექტების პორტფოლიოს ვებ-გვერდი. განათავსე ისინი LinkedIn-ის პროფილზე ან GitHub-ზე.
ბევრი მონაცემთა ინჟინერი კარიერას დამწყების დონის პოზიციაზე იწყებს, როგორებიცაა ბიზნეს ანალიტიკოსი ან მონაცემთა ბაზის ადმინისტრატორი. როცა გამოცდილებას დააგროვებ, ახალ ცოდნასა და უნარებს შეიძენ და მაღალ პოზიციებზეც დასაქმდები.
ამგვარად, თუკი შენს თავს ამ სფეროში ხედავ, გამოიყენე ეს შესაძლებლობა და დაიწყე მონაცემთა ინჟინერიის სწავლა Commschool-ში!
