მარკეტინგის სფეროს რომანტიზება არაერთი ადამიანისთვის არის დამახასიათებელია – მათთვის ეს მიმართულება საკმაოდ სახალისო სამუშაოსთან ასოცირდება. სინამდვილეში კი თუნდაც მცირე მასშტაბის სარეკლამო კამპანიების უკან უდიდესი შრომა დგას. მარკეტინგის მენეჯმენტი მოიცავს ბაზრის კვლევას, მომხმარებლების ქცევის შესწავლას, ბიუჯეტის გაწერას, გუნდის მართვას და ძირითადად, Excel-თან მუშაობას.
თუ მარკეტინგის სფეროში მუშაობს და ამ მხრივ მენეჯერული უნარ-ჩვევების გამომუშავება გსურს, ეს ბლოგი დაგაინტერესებს. Commschool-ის კურსდამთავრებული, მარიამ ალექსიძე მოგიყვება, როგორია მისი შთაბეჭდილებები კურსთან დაკავშირებით.
მარკეტინგის სფეროსადმი მარიამის სიყვარული მისი და საქართველოს უნივერსიტეტის ურთიერთობით დაიწყო, როდესაც ბაკალავრიატზე ბრენდის მენეჯმენტის კურსი გაიარა. შესაბამისად, მაგისტრატურაზეც სწავლა იტალიაში, Tuscia University-ში მარკეტინგის მიმართულებით გააგრძელა. საქართველოში დაბრუნების შემდეგ სტუმარმასპინძლობის სფეროს შესწავლა გადაწყვიტა და სასტუმრო “Golden Tulip Design Tbilisi”-ის გუნდს შეუერთდა. გაყიდვებისა და მარკეტინგის დეპარტამენტში ძირფესვიანად შეისწავლა გაყიდვების გუნდის საჭიროებები და მარკეტინგული სტრატეგიები, კამპანიები და მისი განხორციელება.
მარიამი ამჟამად კორპორაციული გაყიდვების მენეჯერის პოზიციაზე სასტუმრო “Gino Seaside Tbilisi, Trademark Collection by Wyndham”-ში მუშაობს, ახლო მომავალში კი გეგმავს, რომ მარკეტინგის მიმართულებით გადაინაცვლოს. კურსის გავლაც სწორედ ამიტომ გადაწყვიტა, რათა კიდევ უფრო დეტალურად შეესწავლა სტრატეგიული მარკეტინგი.
Commschool-ში უკვე მეორე კურსი გავიარე. ისინი თავდაუზოგავად შრომობენ იმისთვის, რომ ყოველი მომდევნო დღე და თითოეული კურსი იყოს უკეთესი. აქტიურად არიან ჩართულნი კურსის მსვლელობის პროცესში, იღებენ, იზიარებენ უკუკავშირს და მომენტალურად რეაგირებენ. ჩემთვის ეს სკოლა უპირობო ლიდერია, ასე რომ ყველას რეკომენდაციას ვუწევ. აქ ზუსტად იმ ცოდნას მიიღებენ, რაც უდიდესი წარმატების საწინდარი გახდება.
მარიამისთვის ყველაზე ღირებული აღმოჩნდა პრაქტიკაზე დაფუძნებული სწავლება. ასევე სფეროს წამყვანი სპეციალისტის მიერ საკუთარი პრაქტიკული გამოცდილების გაზიარება, რაც მისთვის, როგორც სტუდენტისთვის, ძალიან მნიშვნელოვანია. ახლო მომავალშიც მარიამი კარიერულ განვითარებას მარკეტინგის სფეროში ხედავს და დარწმუნებულია, თითოეული რჩევა მის წარმატებაში ძალიან დიდ როლს ითამაშებს.
ამ კურსის გავლის პერიოდში მივხვდი, რომ უდიდესი მნიშვნელობა აქვს ლექტორის გამოცდილებას, რამაც საკმაოდ დიდი როლი ითამაშა. მნიშვნელოვანია დეტალებისა და ნიუანსების გაზიარება, რასაც მხოლოდ და მხოლოდ ისეთი ადამიანი შეძლებს, ვინც ამ სფეროში დიდი ხანია მოღვაწეობს და ესმის.
კურსის ფარგლებში მარიამმა შეისწავლა სტრატეგიული გეგმის შემუშავება და განხორციელება, ბრენდის იდენტობის განსაზღვრა და მართვა, რებრენდინგი. ასევე ბაზრის კვლევა და მისი შედეგების გამოყენება კამპანიების დაგეგმვისას, ბიუჯეტის მენეჯმენტი და რესურსების ეფექტურად გადანაწილება. გარდა ამისა, სტუდენტებს პროგრამის ფარგლებში გლობალურ მონაცემთა ბაზასთან WARC აქვს წვდომა. ეს პლატფორმა აერთიანებს ქეისებს, სტატიებს, ტრენდებს, ვებინარებს, მინი კურსებსა და რეპორტებს სხვადასხვა სფეროდან. იგი კარგი საშუალებაა ცოდნის გასაღრმავებლად.
ყველაზე დიდი გამოწვევა მარიამისთვის საბოლოო პროექტზე მუშაობა იყო, რადგან, როგორც თავად ამბობს, მაქსიმალისტია. რადგანაც მისთვის ძალიან საინტერესოა სტუმარმასპინძლობის სფერო, გადაწყვიტა, საბოლოო პროექტიც სასტუმრო Radisson Red Tbilisi-ზე მოემზადებინა. დიდი გამოწვევა იყო ისეთ სასტუმროზე მუშაობა, სადაც არ მუშაობს, თუმცა მარიამმა საკუთარი თავი გამოიწვია და საბოლოოდ საინტერესო პროდუქტიც მიიღო. ლექტორის შეფასება და სიტყვები მისი საბოლოო პროექტის შესახებ ორმაგად სასიხარულო იყო და კიდევ უფრო აამაღლა მისი თვითშეფასება და საკუთარი თავის რწმენა.
კიდევ უფრო მეტად შემიყვარდა ეს სფერო და დავრწმუნდი, რომ ეს არის ის, რისი კეთებაც მსიამოვნებს და მიყვარს. ვფიქრობ, რომ საკუთარი თავი ვიპოვე; ვიპოვე ის, რისი კეთებაც გამაბედნიერებს და მზად ვარ, რომ მივიღო ახალი გამოწვევები.
მარიამის აზრით, საჭიროა მუდმივ განვითარებაზე ზრუნვა და მოტივაცია. ამბობს, რომ ყველაფერი შესაძლებელია და გზა მარკეტინგის დირექტორობამდე საბაზისო საფეხურებით იწყება, რასაც სწორედ ეს კურსი მოიაზრებს. პირველი კურსის, ციფრული რეკლამირების გავლის შემდეგ მარიამმა ის ცოდნა მიიღო, რისი პრაქტიკაში გამოყენების საფუძველზე უკვე დამოუკიდებლად მუშაობს 4 კომპანიისთვის. რაც შეეხება მარკეტინგს, ახლო მომავალში საკუთარ თავს ამ სფეროში ხედავს და დარწმუნებულია, რომ ამ ცოდნას აუცილებლად ნაყოფიერად გამოიყენებს.
ასე რომ, თუკი ახალ შესაძლებლობებს ეძებ, ეს კურსი საუკეთესო საშუალებაა ამ მიზნისკენ პირველი ნაბიჯის გადასადგმელად. შემოგვიერთდი Commschool-ში!
