“კურსი ჩემი მომავალი სტარტაპის კონტენტის უკეთ დაგეგმვაში დამეხმარა” – ქეთევან გაგოშიძე

თუ ბრენდების სახელით საინტერესო კონტენტის შექმნა და სოციალურ არხებში გაშლა შენთვის საინტერესო პროცესია და შენს პროფესიადაც სიამოვნებით აქცევდი, მაშინ შეგიძლია, კონტენტ მენეჯმენტის შესწავლაზეც დაფიქრდე;

Commschool-ის კონტენტ მენეჯმენტის კურსის ფარგლებში უამრავი პრაქტიკული დავალების დახმარებით კონტენტის შექმნისა და მართვის სრულ პროცესს შეგიძლია, გაეცნო. ამჯერად სწორედ ერთ-ერთი კურსდამთავრებულის, ქეთი გაგოშიძის ფინალურ ნაშრომს გიზიარებთ.

“კონტენტ მენეჯმენტის კურსის გავლა ძალიან საინტერესო და სახალისო გამოცდილება იყო, თანაც, ეს კურსი ჩემი და ჩემი მეგობრის მომავალი სტარტაპის კონტენტის უკეთ დაგეგმვაში დამეხმარა.”

ქეთისთვის კონტენტ მენეჯმენტის კურსი ორმაგად მნიშვნელოვანი იყო, რადგან მიღებული უნარები საკუთარი სტარტაპის კონტენტის სამართავად უნდა გამოიყენოს.

ქეთიმ ფინალურ პროექტად ქართული ტანსაცმლის ბრენდისთვის დაგეგმილი Facebook/Instagram/Tiktok კამპანია შექმნა. ტანსაცმლის ბრენდი “ჰოდა” იაპონური პრინტების გამოყენებით თანამედროვე, ფერად სამოსს შექმნის. მისი კამპანიის მთავარი მიზანი კი მოქმედებისკენ მოგვიწოდებს ისევე, როგორც ამას ბრენდის სახელი აკეთებს. ჰოდა, ჩაცმასაც მოგვანდომებს.

ქეთისთვის განსაკუთრებით საინტერესო ის ტექნიკური ცოდნა აღმოჩნდა, რაც კურსის განმავლობაში ლექტორისგან მიიღო:

“ლექტორმა საკუთარი ცოდნა და ძალიან ღირებული გამოცდილება გაგვიზიარა იმის შესახებ, თუ როგორ გამოვიყენოთ ესა თუ ის პლატფორმა სწორად, რომელს როგორი კონტენტი შეეფერება და რა სად უკეთ მუშაობს. საერთო ჯამში, გავეცანი ყველა არსებულ პლატფორმას, რასაც დღეს მარკეტინგში ვიყენებთ.”

პრაქტიკული დავალებები ქეთისთვის კურსის განსაკუთრებით მნიშვნელოვანი ნაწილი იყო:

“ძალიან ღირებული იყო პრაქტიკული სამუშაოები, რომლებსაც თითქმის ყოველ ლექციაზე ვასრულებდით – თავად ვქმნიდით კონტენტს და ერთად განვიხილავდით.”

საერთო ჯამში, ქეთის შეფასებით, კურსმა თავისი სახელი გაამართლა და რეალური ცოდნა მისცა:

“რაც ყველაზე მთავარია, ვისწავლე კონტენტის შექმნის პროცესის უკეთ დამენეჯმენტება და დღეს უფრო კრეატიულად ვუდგები ამ ყველაფერს.”

კონტენტის კურსი ნებისმიერი ადამიანისთვისაა, რომელსაც შემოქმედებითი პროცესი და სოციალური არხები აინტერესებს. ბრენდისა და მისი აუდიტორიის საჭიროებების იდენტიფიცირება, შესაბამისი კონტენტ კამპანიისთვის კრეატიული იდეების მოფიქრება და დამოუკიდებლად დაგეგმვა, კამპანიის ელემენტების (ბლოგი, ფოტო და ვიდეო მასალა) მომზადება და რაც მთავარია, კამპანიის დამოუკიდებლად ჩატარება – ყველა ამ უნარს კონტენტ მენეჯმენტის კურსის 14 ლექციის განმავლობაში შეიძენ, საბოლოოდ კი, ქეთის მსგავსად, შენც შეგეძლება კონტენტის დამოუკიდებლად მართვა. შემოგვიერთდი