ხელოვნური ინტელექტი თანდათანობით მნიშვნელოვან როლს იმკვიდრებს ადამიანების პროფესიულ ცხოვრებაში. იგი სხვადასხვა სფეროს წარმომადგენლებს ეხმარება რუტინული სამუშაოს შესრულებაში, რითაც მათ დროს ზოგავს და აძლევს საშუალებას, სხვა შედარებით რთულ დავალებებს მეტი ძალისხმევა დაუთმონ. ამიტომ, დღეს AI უნარების ცოდნა დასაქმების ბაზარზე დიდ უპირატესობას წარმოადგენს.
არსებული ტენდენციების საპასუხოდ Commschool-ში ახალი კურსი შევიმუშავეთ – AI პრაქტიკაში, სადაც ხელოვნური ინტელექტით დაინტერესებულ პირებს საშუალება ეძლევათ, ისწავლონ, როგორ დაამკვიდრონ AI მათ ყოველდღიურობაში. კურსს შოთა ნათენაძე გაუძღვება, რომლის შესახებაც სწორედ ამ ბლოგში მოგიყვები.
შოთას მონაცემთა მეცნიერად და ხელოვნური ინტელექტის (AI) ინჟინრად მუშაობის რამდენიმეწლიანი გამოცდილება აქვს. შოთას უმუშავია რეგიონში წამყვან კვლევით ორგანიზაცია ISET PI-ში, მოწინავე ქართულ ფინტექ სტარტაპ Optio-ში. ამჟამად კი უფროსი მონაცემთა მეცნიერის პოზიციას იკავებს EPAM-ში, სადაც ერთ-ერთი უდიდესი ამერიკული კორპორაციისთვის ხელოვნურ ინტელექტზე დაფუძნებულ, ინტერაქციულ ჩატბოტ სისტემას ქმნის. 3 წლის განმავლობაში შოთა დაკავებული იყო აკადემიური საქმიანობითაც. კერძოდ, ეკონომიკის საერთაშორისო სკოლა ISET-ში ასწავლიდა 4 სხვადასხვა ტექნიკურ კურსს ალბათობის თეორიაში, სტატისტიკაში, ეკონომეტრიკასა და მანქანურ სწავლებაში.
დროთა განმავლობაში, კარიერის განვითარებასთან ერთად, უფრო მეტ რთულ მოდელებსა და ალგორითმებთან მქონდა შეხება, რაც ჩემში, ერთი მხრივ, უდიდეს ინტერესს იწვევდა, მეორე მხრივ, ვათვიცნობიერებდი, თუ რამხელა შესაძლებლობები გააჩნიათ მათ ბიზნეს თუ საზოგადოებრივი პრობლემების გადასაჭრელად. ჩემთვის ხელოვნური ინტელექტი ერთ-ერთი მნიშვნელოვანი ხელსაწყოა, რომელიც საშუალებას მაძლევს, პრობლემები უფრო ჭკვიანურად და ეფექტურად გადავჭრა.
AI არის ღრმა დასწავლის არქიტექტურასა და სისტემებზე დაფუძნებული მოდელებისა და ალგორითმების ერთობლიობა. ისინი ეფექტურად სწავლობენ მონაცემებში არსებულ კანონზომიერებებს, რომლებიც ჩვენთვის შესაძლოა უხილავი იყოს. AI მოდელები მაღალი სიზუსტით ასრულებენ კონკრეტულ დავალებებსა და ინსტრუქციებს.
როგორც შოთა აღნიშნავს, AI სფერო ძალიან სწრაფად ვითარდება. ამიტომ მნიშვნელოვანია ყოველდღე დღის მნიშვნელოვანი ნაწილი სიახლეების გაცნობას, ბლოგების და სამეცნიერო სტატიების კითხვას დაეთმოს. აგრეთვე საკმაოდ სასარგებლოა ონლაინ ვორქშოფები და კონფერენციები.
AI უნარებზე მოთხოვნა წლიდან წლამდე მზარდია, რაც მიუთითებს იმაზე, რომ უფრო და უფრო მეტი კომპანია ხედავს AI მოდელების დანერგვის საჭიროებასა და აუცილებლობას პროდუქტიულობისა და კონკურენტუნარიანობის გასაზრდელად.
შოთა მიიჩნევს, რომ AI ჩვენი ყოველდღიური ცხოვრებისა და ბიზნეს საქმიანობის მნიშვნელოვანი, განუყოფელი ნაწილი გახდება. ამიტომ ამ მიმართულებით საბაზისო ცოდნის მიღება ისევე აუცილებელია, როგორც კომპიუტერის გამოყენების შესწავლა იყო თავის დროზე. ამის შესაძლებლობა კი უკვე Commschool-შიც არსებობს.
კურსი შეგასწავლის თანამედროვე ხელოვნურ ინტელექტზე დაფუძნებული სისტემებისა და ხელსაწყოების ეფექტურ გამოყენებას პრაქტიკაში. ეს კი მოიცავს როგორც ყოველდღიური პირადი გამოწვევების, ისე საქმიანი, ბიზნეს პრობლემების გადაჭრასა და მოსაწყენი დავალებების ავტომატიზაციას. კურსის მთავარი მიზანია, სტუდენტებს მისცეს ფუნდამენტური ცოდნა ამ ხელსაწყოების გამოყენების საუკეთესო პრაქტიკის შესახებ, რისი ადაპტირებაც კურსდამთავრებულებმა მარტივად უნდა შეძლონ საკუთარ სფეროებში. ისინი შეძლებენ, ხელოვნური ინტელექტის ხელსაწყოების დახმარებით გადაჭრან სპეციფიკური დარგობრივი ამოცანები.
როგორც შოთა ამბობს, მნიშვნელოვანია ხელოვნური ინტელექტის ხელსაწყოების არა მხოლოდ ეფექტური და სწორი გამოყენება, არამედ ამ ხელსაწყოების შესაძლებლობებისა და შეზღუდვების ცოდნაც. პროგრამის დასრულების შემდეგ კურსდამთავრებულებს შეეძლებათ თავდაჯერებულად იმსჯელონ კონკრეტული პრობლემის ან დავალების ავტომატიზაციის შესახებ AI ხელსაწყოების გამოყენების შესაძლებლობასა და მიზანშეწონილობაზე.
ამიტომ, თუ გსურს AI დაიმეგობრო და შენი პროდუქტიულობა მისი დახმარებით გაზარდო, ეს კურსი შენთვისაა. დეტალურად გაეცანი პროგრამის სილაბუსს და შემოგვიერთდი Commschool-ში!
