“დიზაინი დაშლილი ფაზლივით იყო, რის განხორციელებასა და სწორი მიმართულების მიცემაში Commschool დამეხმარა” – ტატა მჭედლიშვილის ფინალური პროექტი

შენი ცოდნის რეალიზებაში ხშირად, შესაძლოა, ერთადერთი რამ გიშლიდეს ხელს – ამ ცოდნის არასაკმარისი ორგანიზებულობა. საკმარისია მისი დალაგება და სრული სურათის დანახვა შეძლო, რომ გარდატეხაც სახეზე იქნება. ტატა მჭედლიშვილისთვის, რომელმაც Commschool-ის გრაფიკული დიზაინის კურსი დაამთავრა, კურსმა სწორედ ეს როლი შეასრულა:

“აქამდე ჩემი ცოდნა თითქოს დაშლილი ფაზლივით იყო. მის აწყობასა და მისთვის სწორი მიმართულების მიცემაში დიდი წვლილი Commschool-მა შეიტანა.”

ტატამ შეძენილი უნარების პროფესიული გამოყენება კურსის განმავლობაშივე დაიწყო, ამ პროცესში კი ლექტორის თანადგომა არ აკლდა:

“კურსის განმავლობაში პარალელურად რამოდენიმე კერძო პროექტზეც ვიმუშავე, რომლებზეც კონსულტაციას ლექტორთან გავდიოდი და კარგი შედეგიც მივიღე.”

თუმცა Commschool თავის სტუდენტების კარიერულ წარმატებას სხვაგვარადაც, Alumni Club-ის დახმარებით უწყობს ხელს. ვიდრე ტატას ფინალურ ნაშრომს გაგიზირებდეთ, რამდენიმე სიტყვას სწორედ მის შესახებ გეტყვით.

Alumni Club-ში Commschool-ის ყველა წარმატებული კურსდამთავრებული ავტომატურად წევრიანდება. კლუბის წევრების უპირატესობა კი ისაა, რომ ისინი წვდომას ჩვენი პარტნიორი კომპანიების ექსკლუზიურ ვაკანსიებზე იღებენ; ამ კომპანიებს შორის შენ ისეთებს წააწყდები, როგორიც, მაგალითად Holmes & Watson, Adjarabet, Redberry თუ JWT Metro არიან. იმისთვის რომ კლუბს შენც შეუერთდე, საკმარისია, Commschool-ის ნებისმიერი კურსი წარმატებით დაამთავრო – მათ, შორის, გრაფიკული დიზაინის კურსიც. გაეცანი ბარბარე რუხაძის ბლოგს იმ გზის შესახებ, რომელიც გრაფიკული დიზაინის კურსიდან JWT METRO-ში გაიარა.

ტატამ ფინალურ ნაშრომად კაფე “ორნამენტ ექსპრესის” ლოგოს რედიზაინი შეასრულა:

Before&After

ტატას დიზაინთან შეხება აქამდეც ჰქონია, თუმცა Adobe Photoshop-ისა და Adobe Illustrator-ის იმგვარი ცოდნა, რომელიც მას ამოცანების უფრო მარტივად გადაჭრაში დაეხმარებოდა, Commschool-ში შეიძინა:

“კურსამდე რამდენიმე პროექტზე მიმუშავია, მაგრამ ძირითადად ხელით ვხატავდი, რაც ძალიან დიდ დროს მართმევდა. არ მეგონა, ასე მარტივად თუ შეიძლებოდა ამ ყველაფრის გადაწყვეტა, რაც უდაოდ ლექტორის - ვანოს დამსახურებაა.”

ტატა იმ ატმოსფეროსაც უსვამს ხაზს, რაც Commschool-ში დახვდა:

“აღსანიშნავია ის მეგობრული და ყურადღებიანი გარემო, რაც Commschool-ში აღმოჩნდა.”

საბოლოოდ კი, როგორც ტატა ამბობს, ის უკვე მზად არის, სხვებსაც თამამად ურჩიოს Commschool-ის გრაფიკული დიზაინის კურსი:

“Commschool-ში მეც სხვების რჩევით მოვხვდი და ახლა თავად შემიძლია, თამამად ვურჩიო ყველას, ვისაც უნდა, რომ შეისწავლოს გრაფიკული დიზაინი.”

Commschool-ის გრაფიკული დიზაინის კურსის გასავლელად არავითარი წინასწარი ცოდნა არ არის აუცილებელი. კურსი მოგცემს Adobe Photoshop-ისა და Adobe Illustrator-ის ტექნიკურ ცოდნას და ბევრად მეტსაც: შენ შეძლებ დიზაინის სტილისტურად და შინაარსობრივად გამართვასა და ბრენდინგის პრინციპების დაცვით ვიზუალის შექმნას. ასევე, შეიძენ კლიენტთან ურთიერთობის, ბრიფის ანალიზისა და დიზაინ-პროექტის დაგეგმვის უნარებსაც. ამ ყველაფრისთვის კი მხოლოდ 14 სამსაათიანი ლექცია დაგჭირდება.

ტატას კურსი არსებული ცოდნის დალაგებასა და პროფესიაში რეალიზებაში დაეხმარა. თუ ორთვიანი ინტენსიური შრომისთვის მზად ხარ და თან ყველაფრის ნულიდან შესწავლისა და კარიერული წინსვლა გინდა, გრაფიკული დიზაინის კურსზე რეგისტრაცია უკვე შეგიძლია.