Digital Advertising – თანამედროვე ციფრული გამოწვევების საპასუხოდ

ამ ბლოგში მინდა, რეკლამაზე გესაუბრო. შეიძლება, ამ სიტყვის გაგონებისას პირველად ის უკონტექსტო და უშინაარსო წამები გაგახსენდეს, რომლებიც დროს გაკარგვინებს. თუმცა სინამდვილეში, წარმატებით განხორციელებული რეკლამა ინფორმაციის ნაკადია, რომელიც პრობლემის გადაჭრაში გეხმარება.

ვინაიდან ბოლო წლებში კომუნიკაციის მთავარმა არხებმა ციფრულ სამყაროში გადაინაცვლა, თამამად შეიძლება ითქვას, რომ ციფრული მარკეტინგი თითოეული ჩვენგანის ყოველდღიურობის ფორმირებაში უდიდეს როლს თამაშობს. იგი ხიდია ბრენდსა და მომხმარებელს შორის – აკავშირებს იმას, რაც გვაქვს, იმასთან, რაც გვინდა. სწორედ ამიტომ, ციფრული რეკლამირების შესწავლა, ამ სფეროს შიდასამზარეულოში ჩახედვა, გაძლევს უნიკალურ შანსს, მოხვდე სწორ დროს და სწორ ადგილას – იქ, სადაც საჭირო ხარ.

კრეატივი ვერ იქნება სრულფასოვანი, თუკი მისი განთავსება ხდება არასწორად. ამიტომ, გასაკვირი არცაა, რომ 2022 წელს, ნებისმიერ წარმატებულ ბრენდს, მათ პროდუქტებსა თუ სერვისებს, კუთვნილი ადგილი აქვთ მოპოვებული ციფრულ პლატფორმაზე. საქმე იმაშია, რომ თანამედროვე ტექნოლოგიური სვლების პარალელურად, ციფრული მარკეტინგის როლის ზრდა იდეალურად პასუხობს ახალ გამოწვევებსაც:

დროულია – არსებობს მხოლოდ იქ, სადაც საჭიროა. ანუ, იდეალურად ერგება დროისა და ენერგიის იმ რაოდენობას, რომლის გამოსაყოფადაც მზადაა მომხმარებელი;
უშუალოა – არაა ინტრუზიული, არამედ პირდაპირ პასუხობს მომხმარებელთა მოთხოვნილებებს;
ინტერაქტიულია – იწვევს ჩართულობას, სხვამს კითხვებს და იღებს პასუხებს;
ინოვატორულია – ბადებს სიახლის განცდას. არის აქამდე უთქმელი სიტყვა, რომლის მოსმენაც არა მოსაბეზრებელი, არამედ შთამაგონებელია.

შთაგონებასა და შრომას შესაბამისი დაფასებაც მოჰყვება: თუნდაც ის ფაქტი, რომ ციფრული მარკეტერის საშუალო ხელფასი საქართველოში 2000 ₾-ია, მეტყველებს, თუ რაოდენ კონკურენტულია ეს სფერო. სწორედ ამიტომ, რეკლამის განთავსებისას საჭიროა თითოეული მარკეტინგული ინიციატივის შეფასება და ბიზნეს შედეგებში თარგმნა, სტრატეგიისა და ტაქტიკების დახვეწა რიცხვებზე დაყრდნობით. თუ ჩვენთან, Commschool-ში, ციფრული რეკლამირების კურსზე შემოიხედავ, მოხარული ვიქნებით, ამ და სხვა უნარების გამომუშავებასა და შესაფერისი გამოცდილების დაგროვებაში დაგეხმაროთ.

კურსი არის ნებისმიერი ადამიანისთვის, ვისაც სურს, ნულიდან ისწავლოს ციფრული რეკლამირება. ეს შეიძლება იყოს სოციალური მედიით დაინტერესებული ადამიანი, მარკეტინგის გუნდის წევრი ან/და საკუთარი ბიზნესის მფლობელი.

პროგრამის ფარგლებში განიხილავ, როგორ უნდა გახდეს ციფრული რეკლამირება ბრენდის ინტეგრირებული მარკეტინგული კომუნიკაციების შემადგენელი ნაწილი. აითვისებ იმ თეორიული და პრაქტიკული ცოდნის ბაზისს, რომელიც სჭირდება ეფექტური რეკლამის დაგეგმვას, გაშვებას, მონიტორინგს, ანალიტიკასა და ოპტიმიზაციას. კურსის დასრულების შემდეგ შეგეძლება:

სარეკლამო სტრატეგიის შედგენა
სამიზნე აუდიტორიის ეფექტურად განსაზღვრა
ბიუჯეტირება და შეზღუდული რესურსების ოპტიმალურად გამოყენება
რეკლამირება ყველაზე დიდ პლატფორმებზე: Facebook, Linkedin, Google
დამოუკიდებლად დანერგვა და სარეკლამო ხელსაწყოების გამოყენება
ეფექტურობის გაზომვა და ოპტიმიზაცია
გაშვებული სარეკლამო კამპანიების სწორი მონიტორინგი და რეპორტინგი (tracking & reporting VIA data studio)

საბოლოოდ, თუ გინდა, აღმოაჩინო კავშირი პროდუქტსა და დანარჩენ სამყაროსთან, ისწავლო, როგორ მიაწვდინო ხმა მილიონებს, ჩამოაყალიბო ბრენდის იმიჯი თანამედროვე ვირტუალურ სივრცეში და მეტი… მაშინ, ზედმეტი ფიქრი არ გჭირდება: ციფრული რეკლამირება აქ და ახლაა. მისგან მხოლოდ ერთი ცხოვრებისეული ნაბიჯი გაშორებს – კურსი 15 თებერვალს იწყება, შემოიტანე განაცხადი, ჩვენ დაგელოდებით!