დიზაინის აქტიური გაციფრულების ერაში ჩნდება მზარდი და გადაუდებელი საჭიროება ისეთი პროდუქტების, სისტემებისა და სერვისების შექმნის, რომელიც ადამიანებს კომპიუტერთან ინტერაქციას გაუმარტივებს.

ინტერფეისის დიზაინი, როგორც დისციპლინა, შეისწავლის ადამიანის ქცევას და უნივერსალური გამოსახულების მეთოდებს, რათა შეიმუშაოს ინტერაქციის ისეთი პრაქტიკები, რომლებიც უკეთ მოერგება მომხმარებლის ინტუიციას, პრინციპებს, საჭიროებებსა და გადაწყვეტილებებს.

კურსის ფარგლებში სრულად განვიხილავთ და გავივლით ყველა იმ ეტაპს და მეთოდს, რასაც ინტერფეისის დიზაინერის მოვალეობა და სამუშაოს სპეციფიკა ითვალისწინებს: ბრიფისა და კონცეფციის ანალიზიდან დაწყებული, კომპლექსური Wireframe-ის, დიზაინ სისტემის, Flow-ს, სტრუქტურის შემუშავებით, ტესტინგითა და პროტოტაიპის პრეზენტაციით დასრულებული.

სწავლების მეთოდი ძირითადად პრაქტიკაზეა დაფუძნებული, რაშიც იგულისხმება სალექციო კურსის მიმდინარეობისას მიღებული დავალებები, დამოუკიდებლად შესასრულებელი სავარჯიშოები და ინდივიდუალური პროექტი.

კურსი განკუთვნილია მათთვის, ვისაც სურს UI დიზაინის ბაზისის შესწავლა ან ამ სფეროში უკვე არსებული ცოდნის, უნარ-ჩვევების გაღრმავება, ვისაც აქვს გრაფიკული პროგრამების ინტერფეისთან მუშაობის გამოცდილება ან სხვა ტიპის პროფესიული შეხება ციფრულ პროდუქტებთან. ასევე აქვს ინგლისური ენის საკმარისი ცოდნა იმისთვის, რომ შეძლოს დოკუმენტაციისა თუ ტექნიკური აუდიო/ვიდეო კონტენტის გააზრება.

კურსი მოიცავს პრაქტიკაზე დაფუძნებულ სწავლებას, რაშიც იგულისხმება დავალებები / სავარჯიშოები და ინდივიდუალური პროექტი.

პროგრამის განმავლობაში მიიღებ რჩევებსა და კონსულტაციებს კარიერული დაგეგმვის კუთხით. მისი წარმატებით დასრულების შემთხვევაში კი გექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.