ტექ. ტალანტებზე მოთხოვნა ასეთი მაღალი არასდროს ყოფილა, რაც თავისმხრივ ართულებს კომპანიების მიერ საუკეთესო ადამიანური რესურსების მოძიებას და მოზიდვას.  ამგვარ კონკურენტულ გარემოში, რეკრუტერებს სჭირდებათ არამარტო ტექ. ინდუსტრიის სიღრმისეული აღქმა, არამედ პრაქტიკული ექსპერტიზა, თუ როგორ იპოვონ, დააონბორდინგონ (Onboarding) და შეინარჩუნონ A+ ტექ პროფესიონალები.

კურსი დატვირთულია პრაქტიკული სამუშაოებით და შედგენილია მიმდინარე ტრენდების, პლატფორმების, კვალიფიკაციების დეტალურად აღსაქმელად – ეს არის ტექნოლოგიურ სივრცეში ადამიანური რესურსების რეკრუტინგის მინი MBA. 

კურსის განმავლობაში სტუდენტები შეისწავლიან [Tech] რეკრუტინგის 360 გრადუსიან, სრულ პროცესს. კურსის ბოლოს ჩატარდება სიმულაციური ინტერვიუები და სტუდენტების მიერ შემუშავებული რეკრუტირების სტრატეგიის პრეზენტაცია. კურსის განმავლობაში აგრეთვე ვისაუბრებთ საერთაშორისო კომპანიების რეკრუტინგის გამოცდილებაზე და დამსაქმებლის ბრენდინგზე,  ასევე დეტალურად განვიხილავთ სორსინგის ტექნიკებს, საძიებო ალგორითმსა და სოციალური პლატფორმების შესაძლებლობებს.

კურსი განკუთვნილია მათთვის, ვისაც ტექნოლოგიური ტალანტების რეკრუტინგის მიმართულებით ცოდნის შეძენა ან გაღრმავება სურს. თუ უკვე დაიწყე ან ახლა იწყებ ტექ რეკრუტმენტის სივრცეში საქმიანობას – ეს კურსი არის შედგენილი იმისთვის, რომ მოგაწოდოს ცოდნა, სტრატეგიები, პრაქტიკები და ტექნიკური საშუალებები, რათა შეძლო ტექნოლოგიური ტალანტების მოძიებაში წარმატებული კარიერის დაწყება/შემდგომი განვითარება. კურსზე დასასწრებად საჭიროა ინგლისური ენის მინიმუმ B2 დონეზე ცოდნა.

კურსი მოიცავს პრაქტიკაზე დაფუძნებულ სწავლებას, რაშიც იგულისხმება დავალებები / სავარჯიშოები და ინდივიდუალური პროექტი.

პროგრამის განმავლობაში მიიღებ რჩევებსა და კონსულტაციებს კარიერული დაგეგმვის კუთხით. მისი წარმატებით დასრულების შემთხვევაში კი გექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.