მონაცემთა მეცნიერება შეიძლება განვმარტოთ, როგორც მათემატიკის, ბიზნესის, ალგორითმებისა და მანქანური სწავლების (Machine Learning) ტექნიკების ერთობლიობა, რომელიც გვეხმარება, ვიპოვოთ მონაცემებში არსებული კანონზომიერებები და გავაკეთოთ აღმოჩენები, რომელიც ორგანიზაციებისთვის გადაწყვეტილების მიღებას მნიშვნელოვნად გაამარტივებს და ეფექტურს გახდის.

კურსის ფარგლებში შევეხებით მონაცემთა მეცნიერების ყველა მნიშვნელოვან მიმართულებას. მონაცემთა ანალიზისთვის ყველაზე ხშირად გამოყენებადი პროგრამირების ენის, Python-ის გამოყენებით დავფარავთ მონაცემთა მეცნიერების სრულ ციკლს – მონაცემთა პირველადი დამუშავება, მოდელირებისთვის მომზადება, მანქანური და ღრმა დასწავლის ალგორითმების აგება, გაწვრთნა, გამოყენება და პროდუქტად ქცევა.

პროგრამის განმავლობაში სტუდენტები დამოუკიდებლად იმუშავებენ ინდივიდუალურ პროექტზე.

კურსი განკუთვნილია მათთვის, ვისაც უნდა, რომ 0-დან ისწავლოს მონაცემთა მეცნიერება და შეძლოს მისი გამოყენება მიმდინარე ან ახალ საქმიანობაში. მათთვის, ვისაც აქვს გამოცდილება მონაცემთა ანალიტიკასთან, თუმცა არ აქვთ პროგრამირების და მანქანური სწავლების ალგორითმების გამოყენების გამოცდილება. მათ შორის შეიძლება იყოს: 

1. ანალიტიკოსი, ვინც იყენებს ანალიტიკურ ხელსაწყოებს (Excel, SQL, Power BI და სხვა), აკეთებს ანალიტიკურ რეპორტებს და სურს პროგრამირების სწავლა;

2. ის, ვისაც აქვს ანალიტიკური/მათემატიკური ფორმალური ან/და არაფორმალური განათლება 

3. პროგრამისტი, ვისაც აქვს კოდის წერის გამოცდილება და სურს ხელოვნური ინტელექტის შესწავლა

შერჩევის ეტაპი მოიცავს ინდივიდუალურ გასაუბრებას.

კურსი მოიცავს პრაქტიკაზე დაფუძნებულ სწავლებას, რაშიც იგულისხმება დავალებები/სავარჯიშოები და ინდივიდუალური პროექტი.

პროგრამის განმავლობაში მიიღებ რჩევებსა და კონსულტაციებს კარიერული დაგეგმვის კუთხით. მისი წარმატებით დასრულების შემთხვევაში კი გექნება კარიერული მხარდაჭერა Commschool-ის პარტნიორი კომპანიებისგან, რაც გამოიხატება ექსკლუზიურ სამუშაო შემოთავაზებებსა და სტაჟირებაში.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.