ციფრულ სივრცეში მომხმარებლის ნებისმიერი ქცევა მონაცემია, მისი სწორად გამოყენების უნარი კი – კონკურენტებზე უპირატესობის მოპოვების უმთავრესი საშუალება, რადგან ის გვეხმარება, მივიღოთ ჭკვიანური გადაწყვეტილებები, დაფუძნებული ფაქტებზე და არა ვარაუდებზე.

ტრადიციული მარკეტინგული მიდგომებისგან განსხვავებით, მონაცემებზე დაფუძნებული მარკეტინგი გეხმარება, უკეთ შეიცნო შენი მომხმარებლები, შეისწავლო მათი ქცევები, ესაუბრო მათთვისვე რელევანტური კომუნიკაციით, საჭიროებებზე დაყრდნობით განსაზღვრო, სად და როგორ „დახვდე“ მათ და გაზომო მარკეტინგული აქტივობების შედეგიანობა. 

კურსის განმავლობაში დეტალურად გავივლით მონაცემთა ანალიტიკას, მომხმარებელთა სეგმენტაციას, ატრიბუციის მოდელირებას, მარკეტინგის სამოქმედო გეგმის და ბიუჯეტის შემუშავებას, სტრატეგიისა და ტაქტიკების შეფასებას, და სხვა.

კურსი განკუთვნილია მარკეტერებისთვის ან მარკეტინგის დარგში განათლების მქონე ადამიანებისთვის, რომლებიც ფლობენ  საბაზისო ცოდნას ციფრულ მარკეტინგში. ეს შეიძლება იყოს:

– მარკეტინგის აღმასრულებელი მენეჯერი, ვისაც სურს, გამოიყენოს მონაცემები უკეთესი გადაწყვეტილებების მისაღებად და ბიზნესის ზრდისთვის;

– ციფრული, სოც.მედია და კონტენტ მარკეტერისთვის, ვისაც სურს კონტენტის, კამპანიების ოპტიმიზაცია;

– ელექტრონული კომერციის მენეჯერისთვის, ვისთვისაც მნიშვნელოვანია გაყიდვების გაზრდა ეფექტური მარკეტინგის საშუალებით;

– დამფუძნებელი თუ აღმასრულებელი მენეჯერი, ვისაც სურს, გაზარდოს საკუთარი ბიზნესი ძალიან სწრაფად და ეფექტურად, ციფრული არხების გამოყენებით;

– მარკეტინგის კონსულტანტი, ვისაც სურს, გააფართოვოს უნარები და შესთავაზოს მონაცემებზე დაფუძნებული მარკეტინგული სერვისები კლიენტებს.

კურსის განმავლობაში სტუდენტს ექნება ულიმიტო წვდომა გლობალურ მონაცემთა ბაზასთან WARC, რომლის მეშვეობითაც შეძლებს გაიღრმავოს ცოდნა სხვადასხვა მიმართულებით. არ აქვს მნიშვნელობა, რომელი სფეროს წარმომადგენელი ხარ, WARC-ზე თითქმის ყველა ინდუსტრიიდან შეგიძლია იხილო სხვადასხვა ქეისები, სტატიები, მონაცემები, ტრენდები, ვებინარები, მინი კურსები და რეპორტები.

კურსის წარმატებით დასრულების შემდეგ სტუდენტი მიიღებს ორენოვან სერტიფიკატს.