ამბები Content Management-ის კურსიდან – გვანცა ჭიღიტაშვილი

ბიზნესის წარმატებას არაერთი ფაქტორი განაპირობებს. მათ შორის, ერთ-ერთ მნიშვნელოვან მიმართულებას Content Management წარმოადგენს. იგი კომპანიებს საშუალებას აძლევს, რომ გაზარდოს საკუთარი ცნობადობა, სამიზნე აუდიტორიისთვის იყოს მოწინავე კონკრეტულ სფეროში და შეიძინოს ერთგული მომხმარებლები. ამისთვის კი აუცილებელია ხარისხიანი და ეფექტური კონტენტის შექმნა და შენარჩუნება.

თუ მარკეტინგის სფერო გაინტერესებს და კონტენტის შექმნა შენთვის სასიამოვნო პროცესთან ასოცირდება, ეს ბლოგი დაგაინტერესებს. გვანცა ჭიღიტაშვილი, კონტენტ მენეჯმენტის კურსდამთავრებული, მიღებული ცოდნისა და გამოცდილების შესახებ გვიამბობს.

გვანცამ პროფესიის შეცვლა 27 წლის ასაკში გადაწყვიტა. მას ძალიან იზიდავდა კონტენტ კრეატორობა, ამიტომ, ციფრული მარკეტინგი, სოციალური მედიის მართვა და copywriting შეისწავლა. თუმცა მაინც დანაკლისს განიცდიდა და სურდა მეტი ცოდნა და უნარები შეეძინა. სწორედ ასე აღმოაჩინა გვანცამ კონტენტ მენეჯმენტის კურსი Commschool-ში.

Copywriting დასრულებული არ მქონდა, რომ ლექციაზე ვიკითხე, სად შემეძლო, გამევლო კონტენტ მენეჯმენტი. იმდენი დადებითი რამ მოვისმინე ამ აკადემიის შესახებ, განსაკუთრებით კი ლექტორზე, ბევრი აღარ მიფიქრია და საქმეს შევუდექი.

Commschool-მა გვანცას იმედები გაამართლა და სწავლის პროცესი სასიამოვნო გამოცდილებად აქცია. ეს ლექტორისა და კოორდინატორების ჩართულობამ და ყურადღებამ განაპირობა. ლექტორი სრულად იხარჯებოდა ლექციებზე და არც ერთ თემას არ ტოვებდა ამოუწურავს. სწორედ ამგვარი მიდგომების გამო სულაც არ სურდა, რომ კურსი ოდესმე დამთავრებულიყო.

პროგრამის განსაკუთრებით გამორჩეული ნაწილი მისთვის WARC-ის პლატფორმასთან ულიმიტო წვდომის შესაძლებლობა იყო. თუ არ იცი, გეტყვი, რომ გლობალურ მონაცემთა ეს ბაზა თითქმის ყველა ინდუსტრიიდან მოიცავს სხვადასხვა ქეისებს, სტატიებს, მონაცემებს, ტრენდებს, ვებინარებს, მინი კურსებსა და რეპორტებს. მასთან წვდომა კი სწორედ Commschool-ის კურსის გავლის შემთხვევაში გექნება. გვანცას მისი საშუალებით ძალიან გემოვნებიანი და საინტერესო კამპანიების დათვალიერების შესაძლებლობა მიეცა.

რას მოიცავს Content Management-ის კურსი?

ის, რაც Commschool-ის კურსებს გამორჩეულს ხდის, არის პრაქტიკაზე დაფუძნებული სწავლება. პროგრამის განმავლობაში სტუდენტები არაერთ საინტერესო დავალებაზე მუშაობენ, კურსის ბოლოს კი ფინალურ პროექტს ასრულებენ. ეს საშუალებას აძლევთ, რომ თეორიული ცოდნა პრაქტიკულ გამოცდილებად აქციონ და საჭირო უნარები კიდევ უფრო გაიუმჯობესონ.

"მე ამისგან შევქმნი"

14 ლექცია 42 საათი 7 კვირა

გაიგე მეტი კურსის შესახებ

კონტენტის მართვის კურსიც მრავალი ასეთი პრაქტიკული დავალებითაა დატვირთული. გვანცასთვის მათი შესრულება განსაკუთრებით სახალისო და გამოწვევებით სავსე აღმოჩნდა. როგორც იხსენებს, პირველი დავალება ბასკინ რობინსის ადამიანად ქცევა და მისი წვეულებაზე გაშვება იყო. სახალისო ჩანს, არა? ამ კურსზე მსგავსი საინტერესო სავარჯიშოები ნამდვილად არ მოგაკლდება.

ფინალური პროექტი - მინი კონტენტ კამპანია

რაც შეეხება ფინალურ პროექტს, გვანცასთვის შთაგონება მენტალური ჯანმრთელობა იყო. ასე იხსენებს ის მუშაობის პროცესს:

მუშაობის პროცესი იყო იმდენად საინტერესო, მეგონა რეალურად ვაკეთებდი ამ ყველაფერს. წარმოდგენილი მქონდა, თუ როგორი ემოციები მოჰყვებოდა ფართო აუდიტორიაში გაზიარებისას.

პროექტის წარმატებით შესრულებაში ძალიან დაეხმარა ლექტორი, რომელმაც იდეა მოიწონა, რამაც მისცა დიდი თავდაჯერებულობა და მოტივაცია. საბოლოო ჯამში კი, ასე აფასებს კურსის გავლის შედეგად მიღებულ გამოცდილებას:

გულწრფელად შემიძლია ვთქვა, რომ ამ კურსმა საკუთარი თავი მაპოვნინა.

საკუთარი ინტერესების აღმოჩენისა და შესაბამისი უნარების შეძენის შემდეგ, გვანცა ახალი გამოწვევებისთვის მზადაა. სურს, რომ დაიწყოს მუშაობა ახალი პროფესიით და მოუთმენლად ელის რეალურ ქეისებს.

მომავალ სტუდენტებს, გვანცას თქმით, წინ ძალიან სასიამოვნო და შემეცნებითი თვე-ნახევარი ელოდებათ. ამიტომ, თუ შენც გსურს, რომ ამ თავგადასავლის ნაწილი გახდე, აუცილებლად შემოგვიერთდი Commschool-ში!