მარიამი Graphic Design-ის კურსდამთავრებულია, რომელმაც ფინალური პროექტის ფარგლებში ბადაგონის რებრენდინგზე იმუშავა, ტოპ 3 კურსდამთავრებულს შორის მოხვდა და Alumni Club-ის ფარგლებში დასაქმების შესაძლებლობა მიიღო ერთ-ერთ კრეატიულ სააგენტოში.
პანდემიის პერიოდში მან ილუსტრაციების გაკეთება და მათი ციფრულ განზომილებაში გადატანა დაიწყო. თითქოს, გართობის მიზნით წამოწყებულმა საქმიანობამ მასში photoshop-ისა და illustrator-ის საფუძვლიანად შესწავლის სურვილი გააჩინა. როგორც ჩანს, სწორედ ასეთ დროს ვიღებთ სწორ გადაწყვეტილებებს.
როდესაც კურსის გავლა გადავწყვიტე სკოლის არჩევა არ გამჭირვებია. საიტზე გავეცანი ლექტორების პორტფოლიოებს და კურსის სილაბუსს, ასევე წარმატებული მოსწავლეების ნაშრომებსაც და მივხვდი, რომ Commschool იყო ზუსტად ის ადგილი რომელსაც ვეძებდი. გარდა ამისა, მეგობრებისგანაც ბევრი მსმენია Commschool-ის შესახებ და თავიდანცე ვიცოდი, რომ მეგობრული და ყურადღებიანი გარემო დამხვდებოდა
მარიამი ფინალურ პროექტზე მუშაობას კურსის საუკეთესო ნაწილად ასახელებს. Მისი აზრით, მიღებული ცოდნისა და გამომუშავებული უნარების ერთი პროექტის გარშემო მობილიზება ძალიან საინტერესო გამოცდილებაა.
უშუალოდ მუშაობის პროცესის შესახებ იგი დიდი აღტაცებით გვიამბობს:
პროექტზე მუშაობა კომპანიის ისტორიის შესწავლით დავიწყე. ფინალურ პროექტზე მუშაობის დროს აღმოვაჩინე, რომ „ბადაგონი“ ქართულ მითოლოგიაში ვაზისა და ღვინის მფარველ ღვთაებად ითვლება. შესაბამისად, ლოგოში აქტუალური დარჩა ლათინური ასო „B” რომლის მეშვეობითაც მივიღეთ ყურძნის მტევნის ფორმა.
მარიამი თითოეულ ეტიკეტს ინდივიდუალურად მიუდგა:
ყოველი ღვინის სახეობას მიენიჭა საკუთარი ფერების პალიტრა და მათი გამოყენებით შეიქმნა თითოეული ეტიკეტის დიზაინის მონახაზი. ასევე, აღნიშნული ფორმები გამოვიყენე სხვადასხვა პროდუქტზე, რომელიც ბრენდინგის დროს შეიძლება იქნეს გამოყენებული
განსაკუთრებული სითბოთი მარიამი Commschool-ის გარემოსა და თავის ლექტორს იხსენებს. ასევე იგი ყურადღებას ადმინისტრაციის ჩართულობასა და პასუხისმგებლობის მაღალ დონეზე ამახვილებს, ამბობს, რომ Commschool-ში წარმატებისკენ მიმავალი გზისთვის ყველანაირი ხელშეწყობაა, რაც იშვიათია და განსაკუთრებულ კომფორტს ქმნის.
განსაკუთრებულად ჩვენს ლექტორს გამოვარჩევდი. გარდა იმისა, რომ კურსი თავის მხრივ, მისი ხანგრძლივობის გათვალისწინებით, მაქსიმალურად ამომწურავი მასალისა და ცოდნის მიწოდებას გულისხმობს სტუდენტებისთვის, ყოველ ლექციაზე იგრძნობოდა ლექტორის განსაკუთრებული დამოკიდებულება სტუდენტების მიმართ. გულწრფელად მჯერა, რომ სტუდენტებს ასეთ ლექტორთან მუშაობითა და კომუნიკაციით ეზრდებათ სურვილი ისწავლონ უფრო მეტი
გრაფიკული დიზაინის კურსის მთავარი ღირებულება ის არის, რომ პროგრამა საკითხის ყველა კუთხიდან შესწავლაზეა ორიენტირებული. შესაბამისად ყველა ლექციას მოყვება დავალება, ხოლო კურსის ბოლოს სტუდენტები რებრენდინგზე იწყებენ მუშაობას, რაც ცალკე თავგადასავალია ხოლმე.
ამიტომ, თუ შენც გაინტერესებს გრაფიკული დიზაინი და გინდა უმოკლეს დროში საფუძვლიანად დაეუფლო ახალ პროფესიას, შემოგვიერდთი, გრაფიკული დიზაინის კურსზე!
