Aspria Fitness-ის რებრენდინგი – მაგდა ბობოხიძის ფინალური ნაშრომი

რა არის იმაზე სასიამოვნო, საქმის კეთება დამოუკიდებლად რომ შეგიძლია? მაგდა ბობოხიძეს, Commschool-ის გრაფიკული დიზაინის კურსდამთავრებულს, სწორედ სხვა ადამიანებზე დამოკიდებულების დისკომფორტმა გადააწყვეტინა, გრაფიკული დიზაინი შეესწავლა, მაგრამ, როგორც თვითონ ამბობს, საბოლოოდ, იმაზე ბევრად მეტი მიიღო, ვიდრე ელოდა:

“ბევრი დიზაინერი მეგობარი მყავს და ხშირად მიწევდა, მათთვის ელემენტარულ რამეებზე მეთხოვა დახმარება. კურსის გავლის მიზანი იყო, რომ დამოუკიდებლობა მომეპოვებინა, თუმცა შედეგად ბევრად მეტის გაკეთების შესაძლებლობა მივიღე.”

მაგდამ თავის ფინალურ ნაშრომად “Aspria Fitness”-ის რებრენდინგი გადაწყვიტა. პროექტზე მუშაობამ მას კურსის განმავლობაში შეძენილი უნარების რეალიზების საშუალება მისცა:

“ფინალურ ნაშრომზე მუშაობამ საშუალება მომცა, ერთიანობაში აღმექვა და დამელაგებინა ის, რაც მთელი კურსის განმავლობაში ვისწავლეთ: გავიაზრე, რა სად უნდა გამომეყენებინა.”

მაგდას შესრულებული რედიზაინის არსებულ ლოგოსთან შედარება თავად შეგიძლია:

აქვე, მაგდას ნაშრომებსაც გაეცანი:

მაგდას თქმით, კურსი მას თავისი მთავარი მიზნისა და კიდევ უფრო მეტის მიღწევაშიც დაეხმარა:

“ჩემი მთავარი მიზანი იყო, რომ ონლაინ სივრცეში ვიზუალური კომუნიკაცია შემძლებოდა. კურსმა კი იმაზე მეტი მომცა, ვიდრე ველოდი.”

კურსის სწორი სტრუქტურა და საქმისადმი ლექტორის პასუხისმგებლობიანი დამოკიდებულება მაგდას მოტივაციისა და საბოლოო შედეგის მიღწევისთვის მნიშვნელოვანი აღმოჩნდა:

“კურსი კარგად იყო დალაგებული, ლექტორი კი პოზიტიური იყო და იგრძნობოდა, რომ ლექციებს გულით ატარებდა და არა მოვალეობის გამო, ეს კი მთლიან განწყობას უფრო სერიოზულს და ეფექტიანს ხდიდა.”

საერთო ჯამში, მაგდა გრაფიკული დიზაინით დაინტერესებულ ადამიანებს Commschool-ში სწავლას ურჩევს:

“სხვა ადამიანებსაც ვურჩევდი Commschool-ს. სხვათა შორის, უკვე ვურჩიე და ჩაეწერა კიდეც გრაფიკული დიზაინის ახალ კურსზე -ეს იმიტომ, რომ კურსი გაძლევს იმას, რასაც გპირდება”

თუ გრაფიკული დიზაინის უნარების შეძენა შენთვისაც საინტერესოა და სწავლაც 0-დან გინდა, შემოგვიერთდი👇