დღევანდელ სამყაროში ყველაფერი საბოლოოდ თვალისთვის სწრაფად და ეფექტურად აღქმად ილუსტრაციებამდე დადის, რომელიც ნებისმიერი სფეროს რეკლამირებისთვის მნიშვნელოვანია. Sense of Illustration-ის ქრეშ-კურსი არის სწორედ ის შესაძლებლობა, რომლითაც შეძლებ მოკლე დროში შეისწავლო ილუსტრატორის საქმიანობასთან დაკავშირებული ‘დამალული მარგალიტები’. ამ ბლოგში კი გაგაცნობ, ქრეშ-კურსის ერთ-ერთ მონაწილეს, ნინა ჩუბინაშვილს, რომელიც საკუთარ შთაბეჭდილებებს გვიზიარებს.
თუ არ იცი, გეტყვი, რომ ქრეშ-კურსის ხანგრძლივობა 2 კვირაა, რომლის განმავლობაშიც სტუდენტები ინტენსიურად შეისწავლიან ილუსტრირების მთავარ ელემენტებსა და ბაზარზე საკუთარი თავის სწორად პოზიციონირებას. ნინას თქმით, კი ეს 2 კვირა მისთვის ძალიან შთამბეჭდავი იყო. ლექტორის გამოცდილებების გარდა, მისთვის საინტერესო იყო საერთო ინტერესების მქონე ადამიანების აღმოჩენა და მათთან აზრების გაცვლა.
გასული ორი კვირა ჩემთვის იმაზე ბევრად უფრო შთამბეჭდავი აღმოჩნდა ვიდრე ველოდი, თავიდანვე დიდ იმედებს ვამყარებდი კურსზე, რადგან ანანოს ნამუშევრებს კარგად ვიცნობდი, მაგრამ არ მეგონა თუ ამდენად დამეხმარებოდა და მოტივაციას მომცემდა.
რაც შეეხება მუშაობის პროცესს, კურსის ერთ-ერთი ნაწილია ბრიფის ანალიზი, რომლისთვისაც ნინამ დამალული საფრთხე აირჩია, ჩამოწერა მასთან დაკავშირებული ქივორდები და მაქსიმალურად ეცადა შეექმნა ისეთი ილუსტრაცია, რომელიც მის კომფორტის ზონას სცდებოდა, რადგან კურსის მთავარი მიზანიც სწორედ ესაა.
ჩანახატიდან საბოლოო შედეგამდე საკმაოდ დიდი გზა იყო, ძალიან მინდოდა ისეთ სტილში დამეხატა, რომელიც ჩემს კომფორტის ზონას სცდებოდა და კომპოზიციის შერჩევაზეც საკმაოდ დიდი ხანი დავხარჯე, თუმცა ალბათ ამ ყველაფრის დამთავრება იყო ყველაზე რთული, იმის მერე რაც მეგონა რომ დავამთავრე კიდევ არაერთხელ გადავუარე და სხვა ფერთა გამა დავტესტე და სულ ვუბრუნდებოდი და პატარა დეტალებს ვცვლიდი, რომლებსაც ჩემ გარდა ვერავინ შეამჩნევდა.
ბრიფზე დაფუძნებულ პროექტზე მუშაობისას ნინა მაქსიმალურად ცდილობდა ლექტორის უკუკავშირი ბოლომდე გაეთვალისწინებინა და მისგან ნასწავლი ხრიკები გამოეყენებინა. მთავარი კი თანამოაზრეების შეძენა იყო, რადგან, როგორც იცი, ამ სფეროსთვის და პროფესიული ზრდისთვის მნიშვნელოვანია კოლეგებთან აზრების გაცვლა.
ყველაზე ღირებული ჩემთვის ის იყო, რომ თანამოაზრეები აღმოვაჩინე საკმაოდ ბევრი და მათთან ურთიერთობა ძალიან სასიამოვნო იყო.
ქრეშ-კურსის განმავლობაში განხილული თემებიდან ნინასთვის პორტფოლიოს შექმნის ნაწილი იყო, რადგან სწორედ მაშინ მიხვდა, რომ მთავარია სტილი იპოვო და სწორი წარმოდგენა შეუქმნა დამკვეთებს საკუთარ თავზე.
მნიშვნელოვანი იყო ჩემთვის პორტფოლიოს განხილვა, რაღაც დონეზე ჩემთვის დასტური იყო რომ სწორ გზას ვადგავარ, არაუშავს რომ ხანდახან ჩავარდნები მაქვს, მთავარია მუშაობის სურვილი ადგილზეა.
ნინასთვის Sense of Illustration-ის ქრეშ-კურსი ახალი ცოდნის, გამოცდილებისა და თანამოაზრეების შეძენის ადგილი აღმოჩნდა, სწორედ ამის შესახებ საბოლოო შთაბეჭდილებებს გვიზიარებს: “ანანოს კომპეტენციებში არცერთი წამით შემქონდა ეჭვი, თუმცა იმ მოლოდინსაც გადააჭარბა რაც მე მქონდა, რაც შეეხება commschool-ს, უღრმესი მადლობა ამხელა ძალისხმევის ჩადებისთვის და იმაზე ზრუნვისთვის რომ ყველაფერი საკმარისი გვქონოდა.”
მე კი გეტყვი, რომ თუ გაინტერესებს დიზაინის სფერო და გსურს ისწავლო სფეროში არსებულ გამოწვევებთან გამკლავება, Sense of Illustration-ის ქრეშ-კურსი სწორედ შენთვისაა! შემოგვიერთდი!
