ციფრული სამყაროს მნიშვნელობისა და გავლენის ზრდამ მომავლის პროფესიების შექმნა და მათზე მოთხოვნის ზრდა განაპირობა. კომპანიები აქტიურად მუშაობენ ციფრული
პლატფორმების ათვისებაზე, რა პროცესშიც მნიშვნელოვანია სხვადასხვა ტექნოლოგიური და კრეატიული სფეროს სპეციალისტების ჩართულობა. მათ შორის, ერთ-ერთი ყველაზე
მოთხოვნადი და მაღალანაზღაურებადი მიმართულება გრაფიკოსი დიზაინერია, რომელიც ბრენდის ვიზუალურ კომუნიკაციაზე ზრუნავს.
თუკი ისევ საკუთარი თავის ძიების პროცესში ხარ, მაშინ გაეცანი ნინო ჯინჭველეიშვილის, მომავალი გრაფიკული დიზაინერის, ისტორიას. ამ ბლოგის წაკითხვის შემდეგ დარწმუნდები, რომ არასდროს არის გვიანი, მიიღო ახალი გამოწვევები და დაეუფლო მომავლის პროფესიას.
ნინომ თავდაპირველი კარიერული არჩევანი სხვა სფეროზე გააკეთა. მაგრამ ამას მისთვის ხელი არ შეუშლია, საკუთარი ინტერესებისთვის მიეკვლია:
დროთა განმავლობაში საკუთარ თავზე დაკვირვებით, მივხვდი, რომ ფერწერასა და გრაფიკას არა თუ განყენებულად როგორც ,,არტს“ , არამედ როგორც უფრო პრაქტიკულ, გამოყენებით სფეროს, ისე ვუდგებოდი.
ხელოვნებისადმი დიდი სიყვარულისა და ინტერესის გამომდინარე, ნინომ გრაფიკული დიზაინის შესწავლა გადაწყვიტა. უამრავი კმაყოფილი სტუდენტის შეფასებისა და რჩევის გათვალისწინებით, მან არჩევანი Commschool-ის კურსზე შეაჩერა. ნინოს შეხვედრა
გრაფიკული დიზაინის სამყაროსთან პირველად სწორედ აქ შედგა:
კურსის გავლამდე ამ სფეროსთან შეხება არ მქონია, მათ შორის, არც ციფრულ პროგრამებთან და ყველანაირი ასპექტით, გრაფიკულ დიზაინში Commschool-ის პირველ ლექციაზე შევაბიჯე. იქამდე გრაფიკული დიზაინი ჩემთვის მხოლოდ ციფრულ ტექნოლოგიებთან ასოცირდებოდა და არაფერი ვიცოდი მის უძველეს ფესვებზე.
ნინოს სურდა, რომ პირველივე გამოცდილება საკმაოდ სერიოზული ყოფილიყო, რათა ამის შემდეგ საბოლოოდ გადაეწყვიტა მისი კარიერის დაკავშირება ამ სფეროსთან. მისი თქმით კურსმა მოლოდინს გადააჭარბა თავისი ინტენსიურობით, ინფორმაციულობითა და პრაქტიკულობით, რაც უზომოდ პროფესიონალი და მეგობრული ლექტორის დამსახურებაა.
როგორც ნინო აღნიშნავს, კურსის მთავარი ღირებულება ლექტორთან ურთიერთობა იყო, რომელიც სტუდენტებს მათ გამოცდილებასა და რჩევებს უზიარებდა. მრავლისმომცემი იყო კურსის პრაქტიკული დავალებების გარჩევა, სხვა სტუდენტების ნამუშევრების გაცნობა, რაც მისთვის ინსპირაციის წყაროს წარმოადგენდა. სწორედ ამან განაპირობა ნინოსთვის ყოველი ლექციის დღის საუკეთესო მონაკვეთად ქცევა.
ნინოსთვის განსაკუთრებით მნიშვნელოვანი აღმოჩნდა ფინალური პროექტი, რომელიც Commschool-ის კურსების პრაქტიკაზე დაფუძნებული სწავლების ერთ-ერთი გამორჩეული
ნაწილია:
ფინალური პროექტი იყო კურსის ის ნაწილი, რომელმაც შეკრა და განამტკიცა იქამდე მიღებული ცოდნა და გახდა ჩემი პორტფოლიოს პირველი ნამუშევარი.
არაერთი იდეა და კონცეფცია მომივიდა თავში ,,მუდბორდზე“ მუშაობისას. საბოლოოდ კი ოთხიდან ავარჩიე ერთი - ,,მსოფლიო სათბური“, როგორც თვალსაჩინო კომბინაცია ბათუმის ბოტანიკური ბაღის მისიის (მოვლა და ზრუნვა მცენარეებზე) და მრავალფეროვნებისა. პროექტზე მუშაობის თითოეულ ეტაპზე ვცდილობდი, რომ ხაზი გამესვა მის გეოგრაფიულ და ფუნქციურ უნიკალურობაზე, ამრიგად, ფერების შერჩევის, ლოგოსა და ილუსტრაციის შექმნის დროს აქცენტი მაგნოლიაზე (როგორც ბათუმის ბოტანიკური ბაღის სიმბოლო), ზღვასა და მთაზე გავაკეთე.
ნინო იხსენებს მუშაობის პროცესს და ამბობს, რომ ილუსტრაციაზე მუშაობა მისთვის ყველაზე კომპლექსური, თუმცა სასიამოვნო ნაწილი აღმოჩნდა. სირთულის მიუხედავად, საბოლოო შედეგის წარმატება თითოეულ ეტაპზე ლექტორებისგან მიღებული უკუკავშირისა და რჩევების მიღებამ განაპირობა.
ნინოს აზრით, Commschool-ის კურსი მათ დააინტერესებს, ვისაც სურს, რომ საკუთარი თავი აღმოაჩინოს, განვითარდეს ან ამ სფეროში ცოდნა გაიღრმაოს. დარგის პროფესიონალი ლექტორების დახმარებით მიიღებ საბაზისო ცოდნას გრაფიკული დიზაინის სფეროში. ისწავლი დიზაინის ტექნიკურად, სტილისტურად და შინაარსობრივად გამართვას, ბრენდისთვის ვიზუალის შექმნასა და დიზაინ-პროექტების სწორად დაგეგმვასა და განხორციელებას. ეს უნარები დაგეხმარება, გადადგა პირველი ნაბიჯები დიზაინის სფეროში და დამოუკიდებლად შეძლო შემდგომი განვითარება.
Commschool პარტნიორ წამყვან კომპანიებთან თანამშრომლობის ფარგლებში სტუდენტებს კურსის წარმატებით გავლის შემდეგ დასაქმების ფართო შესაძლებლობას აძლევს. საუკეთესო კურსდამთავრებული კი გარანტირებულ სტაჟირებას გადის ერთ-ერთ კრეატიულ სააგენტოში. ეს ერთ-ერთი მიზეზი იყო, რის გამოც ნინომ Commschool აირჩია. კურსის განმავლობაში განხილული რეალური ქეისებისა და პრაქტიკული დავალებების კეთება კი ამ
სფეროში კოორდინაციას კიდევ უფრო მარტივს ხდის.
კურსი პირველი, თუმცა მყარი ნაბიჯია გრაფიკული დიზაინის უსაზღვრო არეალში აღმოჩენისთვის და მხოლოდ მუდმივი შრომითა და საკუთარ თავზე მუშაობითაა შესაძლებელი პროფესიონალად ჩამოყალიბება.
თუ უკვე ინტერესი გაგიჩნდა გრაფიკული დიზაინის კურსის მიმართ, ნინოს შეფასებას გაგიზიარებ და გეტყვი, რომ:
წინ ძალიან დატვირთული, საინტერესო და სასიამოვნო პროცესი გელოდებათ. კურსის განმავლობაში მარტივია აღმოაჩინო და შეიძინო ახალი უნარები, მიიღო უწყვეტი ინსპირაცია და იპოვო საკუთარი თავის უკეთესი ვერსია.“
ასე რომ, თუკი ჯერ კიდევ არ აღმოგიჩენია შენი ინტერესები, არ შეწყვიტო ძიება და თამამად შეხვდი ახალ გამოწვევებს. მათ კი, ვინც გრაფიკული დიზაინით დაინტერესდით და მზად ხართ თქვენი შესაძლებლობების გამოსაცდელად, გელოდებით გრაფიკული დიზაინის კურსზე Commschool-ში!
თუ ხარ Digital Artist, ილუსტრატორი, ან...
ვისთვის არის კურსი სხვადასხვა...
