კურსზე ჩარიცხვამდე ჩავატარე მცირე მოკვლევა, რათა დამედგინა ზოგადად რა იყო QA, რას საქმიანობდა QA ინჟინერი ყოველდღიურად, რა ტიპის თასქების შესრულება იყო საჭირო და ყველა მნიშვნელოვანი დეტალი, რაც კი გადაწყვეტილების მიღებაში დამეხმარებოდა.
თუ შენც დაინტერესებული ხარ ციფრული პროდუქტის ტესტირებითა და QA სფეროთი, მზად ხარ შეიძინო ამ პროფესიისთვის საჭირო უნარები, სწორ ადგილას მოხვედი, რადგან ამ ბლოგში გაგაცნობ Digital Product Testing & QA-ს კურსდამთავრებულს – ლუკა ჭრიკიშვილს.
მანამდე კი გეტყვი, რომ ხარისხის უზრუნველყოფის ინჟინერი (QA Engineer ან QA Tester) პასუხისმგებელია ახალი პროგრამული პროდუქტების სწორად მუშაობის უზრუნველყოფაზე სანამ ეს პროდუქტი უშუალოდ მომხმარებლამდე მიაღწევს. აპლიკაციის ტესტირებისა და პრობლემების აქტიურად ძიებისას ისინი რწმუნდებიან, რომ ყველა კომპიუტერული პროგრამა აკმაყოფილებს კომპანიის სტანდარტებს.
კურსზე მოხვედრამდე, ლუკა ხშირად იღებდა სხვადასხვა ვიდეო თამაშების ბეტა/ალფა ტესტირებაში მონაწილეობას და მისთვის ძალიან საინტერესო იყო ბაგების პოვნის/რეპროდუსირების პროცესი, რამაც განაპირობა მისი ინტერესი QA-სადმი.
პირადი სწავლებიდან და უნივერსიტეტიდან ლუკას ასევე ჰქონდა გამოცდილება პროგრამირებაში, ამიტომ გადაწყვიტა ეს ცოდნა QA-სთან დაეკავშირებინა; შეესწავლა თეორია/ ტესტირების ძირითადი და მნიშვნელოვანი ასპექტები, რომელიც დაეხმარებოდა ავტომატიზაციაში.
კურსის არჩევისას ლუკასთვის მნიშვნელოვანი იყო შეფასებები/ფიდბექი და სწორედ კურსდამთავრებულთა 100% კმაყოფილების დონის გამო შეარჩია ჩვენი კურსი.
Commschool-ის შესახებ მქონდა ინფორმაცია უკვე რამდენიმე წელია და ჩემთვის Commschool-ზე არჩევანის გაკეთების მთავარი ფაქტორი გახდა წარმატებულ კურსდამთავრებულთა ისტორიები და მათი შეფასებები Commschool-ის შესახებ, რომელსაც ხშირად ვნახულობდი და დეტალურად ვეცნობოდი Facebook-ის გვერდზეც და ბლოგშიც.
კურსზე საუბრისას ლუკამ გაგვიზიარა, რომ კურსმა მის მოლოდინებს გადააჭარბა. ეს კი სწორედ იმის დამსახურებაა, რომ Commschool-ის კურსები სრულიად პრაქტიკაზეა დაფუძნებული, რაც სტუდენტებს ეხმარებათ თეორიული ცოდნის გასამყარებლად.
შევიძინე მანუალური (და არამარტო მანუალური) ტესტირების ყველა მნიშვნელოვანი უნარები, როგორიცაა ტესტ ქეისების დაწერა, ტესტ სუიტების შექმნა, ტესტ ქეის მენეჯმენტ თულების პრაქტიკული გამოყენება, დიზაინს ტექნიკების მიხედვით ტესტების შედგენა და სხვ.
ფინალურ პროექტზე მუშაობისას, რომელიც კურსის განუყოფელი ნაწილია, ლუკას ძალიან დაეხმარა ის პრაქტიკული დავალებები, რასაც კურსის მსვლელობისას აკეთებდა. ამასთან ერთად ლექტორისგან იღებდა საჭირო უკუკავშირსა და რჩევებს.
ბექა ძალიან ყურადღებიანი და საუკეთესო ლექტორია, ვისთანაც კი მქონია მე პირადად შეხება. ბექამ მოგვცა კურსდამთავრებულებს იმის საშუალება, მიგვეღო იმაზე მეტი ცოდნაც კი, ვიდრე ამას თავად კურსი ითვალისწინებდა, მასალა მუდმივად სრულყოფილი იყო, რთულ საკითხებს საკმაოდ გასაგებად და მარტივ ენაზე ხსნიდა და არც ერთ კითხვას არ ტოვებდა პასუხგაუცემელს.
ლუკას თქმით, მიღებულ ცოდნას აუცილებლად გამოიყენებს აუტომატიზაციაში და ზოგადად, პროფესიულ განვითარებაში. რჩევის სახით კი:
ვფიქრობ ეს კურსი აუცილებელია ნებისმიერი პირისთვის, ვისაც კი გადაწყვეტილი აქვს QA ტესტერად მუშაობის დაწყება, მნიშვნელობა არ აქვს მანუალი თუ აუტომატიზაცია. თავისთავად კურსი გათვლილია მანუალ ტესტერებზე მაგრამ ვფიქრობ იმ თეორიულ ცოდნას, რა თეორიულ ცოდნასაც ამ კურსიდან მიიღებს სტუდენტი აუტომატიზაციისთვისაც უმნიშვნელოვანესია, თუ სურთ რომ იყვნენ პროფესიონალები საკუთარ საქმიანობაში.
მე კი გეტყვი, რომ ხარისხის უზრუნველყოფა ნებისმიერ სფეროში მნიშვნელოვანია, ამიტომ QA სპეციალისტებზე მაღალი მოთხოვნაა. თუ დაინტერესებული ხარ ამ სფეროთი და გაქვს სურვილი ტექ სამყაროს ნაწილი გახდე, შემოგვიერთდი!
