ამბები Digital Advertising-ის კურსიდან

კურსის გავლის შემდეგ შემიძლია სრულყოფილი ციფრული სარეკლამო კამპანიის ყველა პროცესის შესრულება და რეკლამისგან სასურველი შედეგის მიღება.

ალბათ არ გაგიკვირდება თუ გეტყვი, რომ ციფრულ ეპოქაში ციფრული მარკეტინგი, კონკრეტულად კი ციფრული რეკლამირება განსაკუთრებული პოპულარობით სარგებლობს.

Digital Advertising-ის მთავარი უპირატესობა მისი გაზომვადობაა, – შენ შეგიძლია თითოეული მარკეტინგული ინიციატივის შეფასება და მისი ბიზნეს შედეგებში თარგმნა, ბრენდის საკომუნიკაციო სტრატეგიისა და ტაქტიკების დახვეწა რიცხვებზე დაყრდნობით.

ამ ბლოგში კი მინდა Digital Advertising-ის კურსდამთავრებული, გიორგი მალოვი გაგაცნო. გიორგი კარფურის ციფრული მარკეტინგის გუნდის წევრია, მისი სამუშაო უმეტესად სარეკლამო სააგენტოებთან ურთიერთობასა და მათთვის ინფორმაციის გადაცემას მოიცავდა, თუმცა როცა Facebook Ads Manager-თან მოუწია შეხება ამბობს, რომ ძალიან მალე იკარგებოდა პანელის სტრუქტურაში და ცოდნის არ ქონის გამო უბრალოდ ვერ ვხვდებოდა რა რისთვის იყო და როგორ მუშაობდა. ამიტომ, გიორგიმ Commschool-ში Digital Advertising-ის კურსის გავლა გადაწყვიტა.

ვფიქრობ ძალიან სასარგებლო გამოცდილება და ცოდნა მივიღე ამ კურსის გავლით, იქიდან გამომდინარე რომ ზოგადი შეხება მქონია ამ მიმართულებასთან, ხშირად მიწევდა ჩემით მომეძია ესა თუ ის ინფორმაცია და გამეძლიერებინა ცოდნა სხვადასხვა ციფრული ტექნოლოგიების მიმართულებებში, მაგრამ ასეთი თვით სწავლება ვერ შეედრება "ქომსქულის" მიერ გადმოცემულ ამომწურავ ინფორმაციას.

გიორგი სალექციო პროცესსაც იხსენებს და ამბობს, რომ მისი აზრით, ყველა ინფორმაცია მაქსიმალურად გაშლილი და ამომწურავად ახსნილი იყო, რაც მოიცავდა კონკრეტულ მაგალთებს, წყაროებს, პრაქტიკულ სავარჯიშოებსა და ლექტორის მხრიდან გამოცდილების გაზიარებას.

ნებისმიერი სირთულის დროს ან რაიმე გაუგებრობისას ლექტორი ყოველთვის მზად იყო დაეთმო დრო იმ კონკრეტული პუნქტებისთვის სადაც რამე სირთულე მხვდებოდა ან ვერ ვხვდებოდი რა უნდა მექნა

თუ არ იცი გეტყვი, რომ კურსის ბოლოს სტუდენტები ფინალურ გამოცდაზე სარეკლამო კამპანიას გეგმავენ და აღასრულებენ.

ალბათ ძალიან მნიშვნელოვანი იყო მიღებული პროექტების სწორად გააზრება, თასქებად დალაგება და მათი ეფექტურად შესრულება პროექტის საბოლოო წარმატებისთვის. ფინალურ პროექტზე ყველა გავლილი ეტაპის გამოყენება იყო საჭირო და ამიტომ ძალიან მნიშვნელოვანია, მაქსიმალური ყურადღება დავუთმოთ ყოველ ლექციას და შესასრულებელ დავალებას.

ასე და ამგვარად, თუ შენც გაქვს შეხება ან/და გაინტერესებს ციფრული რეკლამირება და მისი მართვის პროცესი, გეტყვი, რომ კურსის დასრულების შემდეგ შეგეძლება:

სარეკლამო სტრატეგიის შედგენა
სამიზნე აუდიტორიის ეფექტურად განსაზღვრა
ბიუჯეტირება და შეზღუდული რესურსების ოპტიმალურად გამოყენება
რეკლამირება ყველაზე დიდ პლატფორმებზე: Facebook, Linkedin, Google
დამოუკიდებლად დანერგვა და სარეკლამო ხელსაწყოების გამოყენება
ეფექტურობის გაზომვა და ოპტიმიზაცია
გაშვებული სარეკლამო კამპანიების სწორი მონიტორინგი და რეპორტინგი (tracking & reporting VIA data studio)