ხელოვნური ინტელექტის ორი ხელსაწყო

ალბათ, გსმენია ChatGPT-ის, AI ასისტენტის, შესახებ, რომელმაც ტექნოლოგიურ სამყაროში მნიშვნელოვანი როლი დაიმკვიდრა. ხელოვნური ინტელექტი უკვე ფართოდ გამოიყენება არაერთ ინდუსტრიაში სხვადასხვა მიზნით: ხარჯის ოპტიმიზაცია, დროის დაზოგვა, რუტინული სამუშაოს შემცირება. ამისთვის კი განსხვავებულ AI ხელსაწყოებს იყენებენ, მათ შორის, Claude-ის, რომელიც საზოგადოებისთვის ნაკლებად ცნობილია.

ამ ბლოგში მიმოვიხილავთ ChatGPT-სა და Claude-ის ფუნქციებს, შესაძლებლობებსა და მათ ძლიერ მხარეებს. ეს ინფორმაცია დაგეხმარება იმის განსაზღვრაში, თუ რომელი ხელსაწყო გამოგადგება შენს ყოველდღიურ საქმიანობაში.

1. Claude - მწერლების AI ამხანაგი

Anthropic-ის AI ასისტენტი Claude დიდ პოპულარობას იძენს მწერლებს/ქოფირაითერებსა და კონტენტ კრეატორებს შორის. Anthropic ყოფილმა OpenAI მკვლევრებმა (ChatGPT-ის შემქმნელებმა) დააარსეს. ეს კომპანია შედარებით მცირე ზომისაა, თუმცა მან დაიმკვიდრა ისეთი ორგანიზაციის სახელი, რომელიც პრიორიტეტს ანიჭებს AI უსაფრთხოებას, სანდოობასა და კონტროლს.

რა გამორჩევს Claude-ს?

სხვა AI ხელსაწყოებისგან (მაგალითად, ChatGPT) განსხვავებით Claude ნაკლებად იყენებს კლიშე ფრაზებს. იგი აგენერირებს უფრო ბუნებრივ ტექსტს, რომელიც ნაკლებად წააგავს AI-ის მიერ დაწერილს;
Claude კარგად უღებს ალღოს წერის სტილსა და ტონს. მას აქვს თანამშრომლობითი მუშაობის უნარი. შეგიძლია, მიაწოდო შენ მიერ დაწერილი ტექსტი, მისცე უკუკავშირი მის მიერ გენერირებულ პასუხებზე და შედეგად, Claude ქმნის ტექსტს შენთვის სასურველ სტილში. საგულისხმოა, რომ ChatGPT-ის შემთხვევაში ამ მხრივ უფრო მეტი ძალისხმევაა საჭირო.
Claude-ს შეუძლია 200,000 ტოკენის (დაახლოებით, 150,000 სიტყვა) დამუშავება ერთი მიმოწერის განმავლობაში. შესაბამისად, მას შეუძლია დიდი ზომის დოკუმენტების ანალიზი, კომპლექსური დავალებების შესრულება და დიდი რაოდენობის ინფორმაციის დამახსოვრება. ChatGPT-ის შესაძლებლობები ამ მხრივაც ჩამორჩება.

ბევრ სარგებელთან ერთად, Claude-ს გარკვეული შეზღუდვები აქვს. კერძოდ:

არ აქვს ინტერნეტთან წვდომა რეალურ დროში არსებულ ინფორმაციასთან;
არ შეუძლია ფოტოსურათების გენერირება;
აქვს შეტყობინებების გაგზავნის ლიმიტი, ფასიან ვერსიებზეც კი. როდესაც დღიურ ლიმიტს ამოწურავ, უნდა მოიცადო რამდენიმე საათი ან ერთი სრული დღე, რათა წვდომა აღგიდგეს.

ისწავლე AI-ის სწორი გამოყენება საქმიანობაში

Chat GPT, Claude, Gemini

გაეცანი კურსის სილაბუსს

2. ChatGPT - AI მრავალი შესაძლებლობით

ChatGPT არის OpenAI-ის პროდუქტი, რომელიც მომხმარებელს მრავალმხრივ შესაძლებლობებს სთავაზობს. იგი ბაზარზე 2022 წელს გამოვიდა და მალევე გახდა ყველაზე პოპულარული AI ხელსაწყო.

რა წარმოადგენს ChatGPT-ის უპირატესობებს?

ChatGPT-ის აქვს ინტერნეტთან წვდომა და შესაბამისად, შეუძლია განახლებული ინფორმაციის მოწოდება;
AI ფოტოსურათების დაგენერირება შესაძლებელია ChatGPT-ში DALL-E-ის გამოყენებით. თუმცა იგი ამ მიმართულებით საუკეთესო ხელსაწყო არ არის, რადგან აქვს გარკვეული უზუსტობები;
შეტყობინებების გაგზავნის ლიმიტი უფრო მაღალია, ვიდრე Claude-ის. ChatGPT-ის შეგიძლია ყოველ სამ საათში 80 შეტყობინება გაუგზავნო. მაშინაც კი, როდესაც გარკვეულ ლიმიტს მიაღწევ (დღეში 40 შეტყობინება), არ გეზღუდება წვდომა და შეგიძლია, გააგრძელო ChatGPT-ის გამოყენება, უბრალოდ, პროგრამის ძველი, ნაკლებად კარგი ვერსიით.

ამას გარდა, ChatGPT-ის აქვს გარკვეული ტიპის შეზღუდვები:

სასურველი შედეგების მისაღებად ხშირად საჭირო ხდება სპეციფიკური ბრძანებების გადაცემა;
ზოგჯერ იყენებს მეტაფორულ, ზედმეტად ოპტიმისტური ხასიათის ენას ჩვეულებრივი ინსტრუქციების გადაცემის დროსაც კი;
შესაძლოა, ვერ დაიმახსოვროს მისთვის გადაცემული ინფორმაცია ან ინსტრუქციები.

Claude VS ChatGPT - რომელი ხელსაწყო უფრო გამოგადგება?

ყველა შენს მოთხოვნას ერთი კონკრეტული AI ხელსაწყო ვერ დააკმაყოფილებს. თითოეული მათგანი განსხვავებულ შესაძლებლობებს ქმნიან. ამიტომ, შეგიძლია მხოლოდ ერთი გამოიყენო, რამდენიმეს ერთდროულად მიმართო მუშაობის პროცესში ან განსხვავებული დავალებისთვის სხვადასხვა ხელსაწყო დაიხმარო.

გამოიყენე Claude შემდეგი მიმართულებებით:

პერსონალურ სტილში ტექსტების შესაქმნელად;
დიდი დოკუმენტების გასაანალიზებლად;
პროტოტიპების შესაქმნელად.

გამოიყენე ChatGPT შემდეგი მიმართულებებით:

იმ დავალებების შესასრულებლად, რომელიც უახლეს ინფორმაციას საჭიროებს;
ფოტოსურათების დასაგენერირებლად (იფიქრე სხვა AI ალტერნატივებზე, რომლებიც ფოტოსურათებზე კონცენტრირდება);
როცა შეტყობინებების გაგზავნის მაღალი ლიმიტი გჭირდება.

დაიწყე AI ასისტენტების გამოყენება დღესვე, აღმოაჩინე მათი შესაძლებლობები და გარდაქმენი შენი სამუშაო რუტინა! მეტი ინფორმაციისა და პრაქტიკული გამოცდილების მისაღებად კი შეგიძლია, ჩვენს ახალ კურსზე – AI პრაქტიკაში – შემოგვიერთდე. პროგრამის ფარგლებში გაეცნობი, თუ როგორ და რისთვის ვიყენებთ ხელოვნურ ინტელექტს პირად და პროფესიულ ცხოვრებაში. ასევე ისწავლი ხელოვნურ ინტელექტთან ისე მუშაობას, რომ მან შენი ყოველდღიურობა უფრო პროდუქტიული და ნაკლებად რუტინული გახადოს.

ამიტომ თუ ახალი ციფრული თავგადასავლებისთვის მზად ხარ, Commschool-ში გელოდებით!