პროდუქტიულობის გასაზრდელად და რუტინული საქმიანობის შესამცირებლად ხელოვნური ინტელექტი (AI) ამჟამად საუკეთესო ხელსაწყოა. აღსანიშნავია, რომ მისი ყოველდღიურ საქმიანობაში ჩართვა ადამიანს სამუშაო კვირაში დაახლოებით 2-5 საათს უზოგავს. მნიშვნელოვანია ისიც, რომ AI ამცირებს კომპანიების ხარჯებსაც, რის გამოც იგი არაერთ ინდუსტრიაში წარმატებით არის დანერგილი.
თუ შენც გსურს ისწავლო, როგორ გამოიყენო AI მოდელები შენს სასარგებლოდ, სწორ ადგილას მოხვდი. ამ ბლოგში მოგიყვები, თუ რა პრაქტიკული უნარები არის საჭირო ხელოვნური ინტელექტის ეფექტიანად გამოსაყენებლად.
AI-ის პრაქტიკული უნარები ორ კატეგორიად იყოფა. ერთი მხრივ, ტექნიკური მიმართულება მოიცავს მანქანური სწავლების ალგორითმებისა და დიდი ენის მოდელების შემუშავება. მასზე მუშაობენ მონაცემთა ინჟინრები და დეველოპერები. მეორე მხრივ კი, არსებობს პრაქტიკული მიმართულება – შენს საქმიანობაზე მორგებული AI ხელსაწყოების აღმოჩენა და მათი გამოყენება პროდუქტიულობის გასაზრდელად. პრაქტიკული AI უნარების ფლობა კი საკმაოდ დასაფასებელი გახდა არაერთ ინდუსტრიაში.
AI ტექნიკურ უნარებზე მოთხოვნა მუდმივად იზრდება და საკმაოდ მაღალანაზღაურებადიცაა. ამიტომ თუ მონაცემთა მეცნიერებით ხარ დაინტერესებული, საკმაოდ კარგი არჩევანია. მათთვის კი, ვინც კარიერას პროექტების მართვის, გრაფიკული დიზაინის, მარკეტინგის, მონაცემთა ანალიტიკისა თუ სხვა ნებისმიერი მიმართულებით აპირებს, პრაქტიკული AI უნარების ათვისება მნიშვნელოვნად გაზრდის შრომით ბაზარზე მათ კონკურენტუნარიანობას.
რატომ AI? იმის მიუხედავად, საჭიროა თუ არა ამა თუ იმ პროფესიისთვის ხელოვნური ინტელექტის გამოყენების ცოდნა, AI-ის დანერგვა საქმიანობაში ეფექტიანობას ზრდის, რასაც უკეთეს შედეგებამდე მიჰყავხარ. ეს შესაძლებლობა კი დამსაქმებლისთვის ძალიან მიმზიდველია.
პირველ რიგში, მნიშვნელოვანია, რომ დაუმეგობრდე გენერაციულ AI-ის, როგორებიცაა, მაგალითად, ChatGPT, Google Gemini. ისინი წარმოადგენენ ე. წ. ჩეტბოტებს, უფრო ტექნიკური ტერმინით კი – დიდი ენის მოდელებს (LLM). მარტივად რომ ავხსნათ, დიდი ენის მოდელები წარმოადგენს პროგნოზირებადი ტექსტის ხელსაწყოს. AI-ის დიდი რაოდენობის მონაცემი აქვს დამუშავებული, ამიტომ მისთვის სირთულეს არ წარმოადგენს დიდი მოცულობის ტექსტის შედგენა. ეს პრინციპი წააგავს Google-ის ფუნქციას, წინასწარ გამოიცნოს საძიებო ველში შენ მიერ აკრეფილი სიტყვა და შემოგთავაზოს შესაბამისი ვარიანტები. გენერაციული AI კი ამ ყველაფერს უფრო ფართო მასშტაბზე აკეთებს.
თუმცა, უნდა გაითვალისწინო, რომ AI ყოველთვის სწორად ვერ განსაზღვრავს შენს ჩანაფიქრს. ამიტომ მნიშვნელოვანია კრიტიკული აზროვნების ჩართვა ხელოვნური ინტელექტის ხელსაწყოების გამოყენების დროს. ამგვარად, უახლოეს მომავალში AI სრულად ვერ ჩაანაცვლებს გარკვეულ პროფესიებს. იგი უბრალოდ შეცვლის მუშაობის პრინციპებს.
რადგანაც უკვე გაქვს საბაზისო ცოდნა იმის შესახებ, თუ როგორ მუშაობს AI ხელსაწყოები, ამჯერად უნდა განსაზღვრო, თუ როგორ გამოიყენებ მას შენს საქმიანობაში. გენერაციული AI ყველაზე წარმატებულად მუშაობს კითხვის, წერისა და ჩატის მიმართულებით. ამიტომ იფიქრე, თუ რომელ დავალებაზე ხარჯავ შენს დროს, რომელიც მოითხოვს გაშინაარსებას, ახალი იდეების შემუშავებას ან ტექსტის შექმნას.
ChatGPT და Google Gemini ინტუიციურ ხელსაწყოებს წარმოადგენენ. ამიტომ თუ იცი, როგორ დაამყარო კომუნიკაცია ციფრულ სივრცეში, ამ ტექნოლოგიების გამოყენება უფრო გაგიმარტივდება.
ხელოვნური ინტელექტის ხელსაწყოების მუშაობის პრინციპების შესასწავლად საუკეთესო გზა პრაქტიკული გამოცდილებაა. დაიწყე მისი გამოყენება, მაგალითად, ახალი ტექსტების დასაწერად. დააკვირდი, თუ მისთვის გადაცემული რომელი ინფორმაცია იძლევა საუკეთესო შედეგებს. აუცილებლად გასათვალისწინებელია უსაფრთხოების წესებიც – თუ სამსახურებრივი დავალებების შესრულებას AI-ის დახმარებით აპირებ, გააცანი შენი განზრახვა დამსაქმებელს, რათა დაცული იყოს პირადი ინფორმაცია.
იმისთვის, რომ მომავალ დამსაქმებლებთან შენი AI უნარები წარმოაჩინო, შემდეგ გზებს მიმართე:
AI პრაქტიკული უნარების შეძენა უკვე Commschool-ში შეგიძლია. “AI პრაქტიკაში” – ეს კურსი შეგასწავლის, თუ როგორ და რისთვის შეგიძლია გამოიყენო ხელოვნური ინტელექტი პირად და პროფესიულ ცხოვრებაში. პროგრამა შესაძლებლობას მოგცემს, ისწავლო ხელოვნურ ინტელექტთან ისე მუშაობა, რომ მან შენი ყოველდღიურობა უფრო პროდუქტიული და ნაკლებად რუტინული გახდეს.
ასე რომ, თუ საინტერესო თავგადასავლისთვის მზად ხარ, დეტალურად გაეცანი კურსის სილაბუსს და შემოგვიერთდი Commschool-ში!
