თანამედროვე ტექნოლოგიებმა გაამარტივა ყოველდღიური მარკეტინგული პროცესები, მათ შორის, მომხმარებლის ქცევის მონიტორინგი და Data-driven სტრატეგიების შემუშავება.

სამომხმარებლო ქცევა მნიშვნელოვნად შეიცვალა. დღეს, მომხმარებელი მეტად ინფორმირებული და მომთხოვნია როგორც პროდუქტის ხარისხის, ისე ბრენდის მიმართ.

ბრენდი, მარკეტინგი და პროდუქტი ერთმანეთს კიდევ უფრო დაუკავშირდა და მათი საზღვრები, ნელ-ნელა, უფრო და უფრო მცირდება.

კომპანიის ზრდისა და ბრენდის შენებისთვის მარკეტინგის დეპარტამენტს საკვანძო პოზიცია უკავია და მმართველი დირექტორებისა თუ სტეიკჰოლდერების მხრიდან, ამ მოცემულობის აღიარებით, მარკეტინგისთვის ბიუჯეტის გამოყოფა მარტივდება.

კონტენტის სიცოცხლის ხანგრძლივობა შემცირდა, ახალი კონტენტი უფრო სწრაფად იქმნება და უფრო ხშირად სჭირდება განახლება.