ლექტორები

შოთას მონაცემთა მეცნიერად/მანქანური სწავლების ინჟინრად მუშაობის რამდენიმეწლიანი გამოცდილება აქვს. ის ამჟამად Software Engineer-ის პოზიციას იკავებს Google-ში. მანამდე მისი ძირითადი საქმიანობა ბუნებრივი ენის დამუშავებას (NLP) და დიდი ენის მოდელების ეფექტურად გასერვისებას მოიცავდა. შოთას მუშაობის გამოცდილება აქვს როგორც მოწინავე ქართულ სტარტაპ Theneo-ში, ისე დიდ ქართულ და საერთაშორისო კორპორაციებში – საქართველოს ბანკის კვლევით გუნდსა და Microsoft-ის Bing-ის გუნდში. ის ასევე საქართველოს ხელოვნური ინტელექტის ასოციაციის (GAIA) თანადამფუძნებელი და ვიცე-თავმჯდომარეა. GAIA საქართველოში AI ეკოსისტემის გაუმჯობესებას ემსახურება.

გაგის ციფრულ პროექტებსა და პროდუქტებზე მუშაობის 5 წლიანი გამოცდილება აქვს. ის წლების განმავლობაში იკავებდა როგორც Project, ისე Product Manager-ის  პოზიციას ისეთ საერთაშორისო კომპანიებში, როგორებიცაა Space International, Setanta Sports, EPAM Systems, Singular (Flutter). უმუშავია ისეთ პროექტებზე, როგორებიცაა სპორტის სტრიმინგი 15 ქვეყანაში, 4 მილიონიანი საერთაშორისო ბანკის გადარიცხვები/გადახდები/ფულადი გზავნილები, შიდა კორპორატიული გამოყენების პროდუქტები. ამჟამად მუშაობს სტარტაპზე, Moiispro AI, რომელიც ჩვენს რეგიონში კომპანიებისთვის AI გადაწყვეტების ყოველდღიურ სამუშაო პროცესში დანერგვას ისახავს მიზნად. მომხმარებლებისთვის ახალი გამოცდილებების შექმნა არის ის, რასაც გაგი Project/Product Manager-ის როლში უმნიშვნელოვანესად მიიჩნვს. ფიქრობს, რომ ნებისმიერ პროექტში მნიშვნელოვანია ადამიანების მოწადინებულობა  და დამოკიდებულება (Drive & Attitude) საქმის მიმართ. სწორედ ამ ორის იდეალური სინთეზით, უმცირესი რესურსითაც კი, შეიძლება საინტერესო ციფრული პროექტების შექმნა.

ლელა 2015 წლიდან მუშაობს მონაცემთა ანალიტიკის მიმართულებით და უმუშავია ისეთ კომპანიებში როგორიცაა ორი ნაბიჯი, მაგთიკომი, აჭარაბეთი. ამჟამად, ის არის TNET-ის უფროსი რეპორტინგ დეველოპერი, სადაც 2022 წლიდან მუშაობს. გარდა ბაკალავრის ხარისხისა კომპიუტერული მეცნიერებების მიმართულებით, ლელა ფლობს ისეთი ხელსაწყოების სერთიფიკატებს, როგორიცაა Power BI, MySQL და ა.შ.

ტატიანას ციფრული მარკეტინგის მიმართულებით 5 წლიანი გამოცდილება აქვს, რის განმავლობაშიც უმუშავია 50-ზე მეტ ბრენდთან სხვადასვა ბიზნეს სექტორში: ჰორეკა,  უძრავი ქონება,  FMCG, მოდა და სხვა. უთანამშრომლია როგორც ქართულ სტარტაპებთან (Carfest, Lunchoba..) და საერთაშორისო კომპანიებთან (Zara, Massimo Dutti, Sheraton, Lavazza, Lenovo, Oppa, Namai Vake, Galleria Tbilisi, Avon..), ასევე ჯილდოებმოგებულ კრეატიულ კამპანიებზე ( Wolt, KFC, Miniso, საქართველოს ფოსტა..). ტატიანა  Redberry-ში ციფრული მედია დამგეგმავის პოზიციას იკავებდა, ასევე ხელმძღვანელობდა  Growth Marketing-ის დეპარტამენტს. ამჟამად, იგი აღმასრულებელი დირექტორია თავისივე დაფუძნებულ არქიტექტურული გამოცდილების მიმწოდებელ კომპანიაში HURO.

გიორგის 10 წლიანი გამოცდილება აქვს ციფრულ მარკეტინგში, ციფრულ ანალიტიკასა და ციფრული პროექტების მართვაში, ბოლო რამდენიმე წელი აღმასრულებელ პოზიციებზე. მას უმუშავია ციფრული პროდუქტების, ორგანიზაციული დიჯიტალიზაციის და ციფრული მარკეტინგის კონსულტანტად და ტრენერად სხვადასხვა საერთაშორისო ორგანიზაციის პროექტებში, როგორიცაა UNDP BIOFIN, PMCG, EBRD, USAID Zrda activity in Georgia.

2021 წლიდან გიორგი შეუერთდა ქართული e-commerce სტარტაპის, VELI.store-ის გუნდს, როგორც ციფრული მარკეტინგის ხელმძღვანელი და აქტიურად არის ჩართული კომპანიის ზრდისთვის საჭირო უმნიშვნელოვანეს პროცესებში.

დათო გრაფიკოს-დიზაინერი და ილუსტრატორია, რომელსაც ამ სფეროში უკვე 8 წლიანი გამოცდილება აქვს. ამ დროის განმავლობაში უმუშავია ისეთ კომპანიებსა და სააგენტოებში, როგორებიცაა Leavingstone, McCann, GIPA, ხოლო ამჟამად სენიორ გრაფიკოს-დიზაინერის როლს იკავებს კრეატიულ სააგენტო Windfor’s-ში. მის დამკვეთებს შორის არიან საერთაშორისო კრეატივის ფესტივალი Ad Black Sea, Coca-Cola, EU for Energy, Canada Fund for Local Initiatives, Bank of Georgia, Terabank, Tbilisi Mall, Veli.Store და ა.შ. დათო ორიენტირებულია, ნამუშევრები გრაფიკული დიზაინისა და ილუსტრაციის ერთობლივი გამოყენებით შექმნას, სადაც ილუსტრაცია არა დამხმარე, არამედ ნამუშევრის ძირითადი ნაწილია. მთავარი მიმართულებები, რომელზეც დათო აქტიურად მუშაობს არის ლოგო, გრაფიკული ილუსტრაცია, პერსონაჟების დიზაინი, ვიზუალური იდენტობა, ლეთერინგი და პოსტერის დიზაინი.

საბა 2D/3D მოუშენ დიზაინერია, რომელსაც ამ სფეროში უკვე 8 წლიანი გამოცდილება აქვს. ამ დროის განმავლობაში უმუშავია ისეთ კომპანიებსა და სააგენტოებში, როგორებიცაა Leavingstone, Space Neo Bank, Slick, Admirals, ხოლო ამჟამად სენიორ მოუშენ დიზაინერის პოზიციას იკავებს კომპანია Finyard-ში (Innovative FinTech Software Solutions). უთანამშრომლია შემდეგ კომპანიებთან TBC, Bank of Georgia, Bolt Georgia, Terabank, Tbilisi Mall, Veli.Store, Attirance Georgia, Windfor’s Tbilisi, Casino Rolletto, JWT Metro, BetterFly DDB და ა.შ. მთავარი მიმართულებები, რომლებზეც საბა აქტიურად მუშაობს, არის 2D/3D სარეკლამო ტიპის მოუშენ დიზაინი და ციფრულ პროდუქტებში მოუშენ დიზაინის ინტეგრირება.

მარიამი ილუსტრატორი & გრაფიკოს დიზაინერია და ამ მიმართულებით მას ექვსწლიანი გამოცდილება აქვს როგორც ქართულ, ისე უცხოურ ბაზარზე. კარიერა წლების წინ სხვადასხვა მედიუმში ფრილანს მოღვაწეობით დაიწყო – გრაფიკული დიზაინი, ილუსტრაცია, ასევე ფოტოგრაფია, ვიდეო, კედლის მხატვრობა. ბოლო 2 წლის განმავლობაში მუშაობდა In-House დიზაინერად და ილუსტრატორად Adjara Group-ში ისეთ ბრენდებზე, როგორებიცაა: Stamba, Rooms, Holiday Inn, Shio, Milk, Udabno, Lolita, DBlock, Fabrika, TheShop AG, Shukura, ამჟამად კი კვლავ ფრილანს პროექტებზე მუშაობს. ბოლო დროს განხორციელებულ პროექტებს შორისაა: The Pearl Club ბრენდინგი, Art Direction, ფოტო, ვიდეო; Cord Brunch & Bar – ბრენდინგი, ილუსტრაცია, კონტენტი; Coda Story – Editorial illustration; ილუსტრაციები გამოფენისთვის – United for Georgia’s European Way. მარიამის პორტფოლიოს გამოარჩევს სხვადახვა მედიუმის სინთეზით შექმნილი ნამუშევრები

ნიკო მე-6 წელია, რაც ციფრული მარკეტინგის მიმართულებით საქმიანობს. მისი კარიერა დაიწყო კომპანია Alpaca-ში, პირველ SEO-ზე სპეციალიზებულ სააგენტოში საქართველოში, სადაც სხვადასხვა დროს იყო WordPress დეველოპერი, SEO სპეციალისტი, ხელმძღვანელობდა SEO-სა და დეველოპმენტის გუნდებს და იკავებდა კომპანიის COO-ს პოზიციას. ნიკოს პორტფოლიო მოიცავს 20+ პროექტს როგორც ლოკალურ, ისე გლობალურ ბაზარზე – ისეთ ინდუსტრიებში, როგორებიცაა Adtech, Igaming, ტურიზმი, ფინანსური სექტორი, E-commerce, ჯანდაცვა, ონლაინ მედია და სხვ. 2023 წლიდან ნიკო მუშაობს კომპანია Upgaming-ში SEO სპეციალისტად და ციფრული ტრანსფორმაციის სააგენტო Redberry-ში ფრილანს SEO სპეციალისტად. ნიკოს პროექტები მოიცავს საძიებო სისტემების ოპტიმიზაციის ყველა ეტაპს – დამკვეთებთან პირველადი კომუნიკაცია, კვლევა, სტრატეგიის შედგენა და მისი განხორციელება, ტექნიკური და On-page SEO, ლინკბილდინგ კამპანიების წარმოება და დამკვეთის საჭიროებებზე მორგებული რეპორტინგი და ანალიტიკა.

იას საქართველოს წამყვან საბანკო-საფინანსო სექტორში მუშაობის 15 წლიანი გამოცდილება აქვს. მისი კარიერის პირველი ეტაპი დაიწყო და ეყრდნობა People Management-ის გამოცდილებას. კარიერის სხვადასხვა ეტაპზე ის იკავებდა ფილიალის მმართველის, ბიზნესის განვითარების მენეჯერის პოზიციებს, რომლის პარალელურად იყო მენტორი და ბიზნეს სკოლის ტრენერი. ბოლო წლებია ის IT Program Manager-ის პოზიციას იკავებს საქართველოს ბანკში. იას პორტფელში მრავალფეროვანი და საინტერესო ტექნოლოგიური, ციფრული და ბიზნეს პროექტებია, რომელიც უკავშირდება ახალი პროდუქტების შექმნასა და განვითარებას.

თორნიკე Long Island University-ის ინფორმაციული სისტემების მაგისტრია. მას ციფრული პროდუქტების შექმნის 12 წლიანი სამუშაო გამოცდილება აქვს. ამ ხნის განმავლობაში ის სხვადასხვა როლს ითავსებდა, ყველაზე დიდხანს კი სწორედ IT ბიზნეს ანალიტიკოსის პოზიციაზე. მისი პორტფოლიო შეიცავს პროექტებს, რომლებიც უკავშირდება ციფრული პროდუქტების შექმნა/განვითარებას, საინფორმაციო პლატფორმების შექმნას, ERP სისტემის დეველოპმენტს ისეთ კომპანიებთან, როგორიცაა World Bank (Project), საჯარო რეესტრის ეროვნული სააგენტო, Wendy’s, Long Island University, Terminal და ა.შ. თორნიკე ბოლო წლებში TBC-ის IT Business Analyst-ის პოზიციას იკავებდა, ამჟამად კი IT Product Owner-ია და ბანკის შიგნით უმნიშვნელოვანესი პროდუქტების შექმნა/განვითარებაზე მუშაობს.

ნინოს 10 წლიანი გამოცდილება აქვს როგორც hardware, ისე software პროექტების მართვაში. მისთვის კარიერის გამორჩეული პერიოდი Nokia-ში მუშაობაა, სადაც ტელეკომუნიკაციების მიმართულებით მართავდა პროექტებს. კარიერის სხვადასხვა ეტაპზე ასევე იკავებდა Product Owner-ის როლს და უძღვებოდა სხვადასხვა რეგულაციურ და საკანონმდებლო ცვლილების დანერგვას საქართველოს წამყვან ტექნოლოგიურ ორგანიზაციებში, ამჟამად კი საქართველოს ბანკში IT პროგრამ მენეჯერის პოზიციას იკავებს. ნინო PMP, PMI-ACP, PSM1 და PSPO1 სერთიფიკატებს ფლობს.

Სალომეს კვლევის სფეროში რამდენიმეწლიანი გამოცდილება აქვს. ამ დროის განმავლობაში UX კვლევის მიმართულებით უმუშავია ისეთ კომპანიებში როგორებიცაა საქართველოს ბანკი და ბეთლაივი. Პარალელურად ჩართულია ფრილანსინგის მიმართულებით და კომპანიებს ეხმარება UX კვლევის სტრატეგიის შემუშავებასა და წარმართვაში. სალომე ამჟამად იკავებს თიბისის UX კვლევების ლიდერის პოზიციას.

ნიკას მონაცემთა მეცნიერების მიმართულებით რამდენიმეწლიანი გამოცდილება აქვს.  რომის უნივერსიტეტში მონაცემთა მეცნიერების პროგრამის დასრულების შემდეგ პრაქტიკული გამოცდილება რამდენიმე კომპანიაში დააგროვა, მათ შორის, ფინანსურ და საბანკო სექტორებში მონაცემთა ანალიტიკოსისა და მონაცემთა მეცნიერების პოზიციებზე. ამჟამად ერთ-ერთი ყველაზე მაღალტექნოლოგიური კომპანიის, საქართველოს ბანკის მონაცემთა მეცნიერია, გარდა ამისა, იმავე პოზიციას იკავებს Caterpillar-ში, რომელიც Fortune 500 ჩამონათვალში 49-ე ადგილზეა.

მარიამს IT სფეროში 6 წლიანი გამოცდილება აქვს, რომლის განმავლობაშიც სხვადასხვა დროს იკავებდა Product Owner-ის, პროექტ მენეჯერის, პროგრამ და პორტფოლიო მენეჯერის პოზიციებს. პროექტის მართვის მიმართულებით მარიამი საერთაშორისოდ სერტიფიცირებული პროფესიონალია (PMP). კარიერა თიბისი დაზღვევის დეველოპმენტ გუნდში დაიწყო. 2019 წლიდან მართავდა პროექტებს ისეთი მიმართულებებით, როგორებიცაა Software & Database Development, მომხმარებელთა და IT ოპერატიციები, გეიმინგი, მარკეტინგი, ფინანსები. 2021 წლიდან კომპანია აჭარაბეთში ხელმძღვანელობს პორტფოლიოების მართვის მიმართულებას. ის ასევე ფლობს PMI ინსტიტუტის The Complete Agile Project Manager-ისა და Bizpro Project Management Consultancy-ის Advanced Project Management-ის საერთაშორისო სერტიფიკატებს.

ლაშა Senior Software Engineer-ია Betsson Group-ში, iGaming ინდუსტრიის ერთ-ერთ უმსხვილეს კომპანიაში ევროპაში. Front-end Development-ში მისი კარიერა მოიცავს როგორც საშუალო, ისე enterprise აპლიკაციებზე მუშაობას ისეთ მსხვილ საფინანსო და გეიმინგ კომპანიებში, როგორებიცაა საქართველოს ბანკი, Singular, Europebet. გარდა ამისა, ლაშას პორტფოლიოში ნახავთ ფრილანს პროექტებსაც Upwork-იდან. ძირითადი ტექნოლოგიები, რომლებსაც ის ამ დროის განმავლობაში იყენებდა/იყენებს, არის React, Angular, Next.js, Node.js, .Net. პროფესიული კარიერის პარალელურად ლაშას აქვს სწავლების 6-წლიანი გამოცდილება.

თამარი სარეკლამო ინდუსტრიაში 10 წელზე მეტია მუშაობს. კარიერის დიდი ნაწილი კრეატიულ სააგენტო Windfor’s-ში გაატარა, სადაც სხვადასხვა ეტაპზე ასრულებდა Account Planner-ის, Senior Account Manager-ისა და კლიენტების მომსახურების დირექტორის ფუნქციას, როგორც თბილისის, ასევე კიევის ფილიალში. ამ პოზიციების სპეციფიკიდან გამომდინარე, მისი ყოველდღიური საქმიანობა მჭიდრო გადაკვეთაში იყო სტრატეგებთან, კრეატივის და დიზაინის დეპარტამენტებთან, ფროდაქშენთან და დამკვეთის მარკეტინგის გუნდებთან. 2016 წლიდან კი ხელმძღვანელობს კრეატივის საერთაშორისო ფესტივალ “Ad Black Sea”-ს. 

ბექას IT ინდუსტრიაში რამდენიმეწლიანი გამოცდილება აქვს და აქედან 4 წელზე მეტია, რაც ხარისხის უზრუნველყოფის მიმართულებით არის დასაქმებული. უმუშავია სხვადასხვა სტილისა და სპეციფიკის პროექტებზე, როგორიც არის საბანკო ბიზნესი, გემბლინგი, ელ-კომერცია, მარაგების აღრიცხვის სისტემა, სადისტრიბუციო და ლოჯისტიკური სისტემები, ასევე საერთაშორისო საინტეგრაციო სისტემები და პლატფორმები. ბექა ამჟამად Digital Area-ს ტესტირების გუნდის ხელმძღვანელია.

გიგა Bucerius Law School-ის ბიზნესისა და სამართლის მაგისტრია. 2014 წლიდან ბერლინის სტარტაპ ეკოსისტემაში საქმიანობს და ტექნოლოგიურ ორგანიზაციებს ზრდის პროცესში ეხმარება. იგი მუშაობდა სხვადასხვა წარმატებულ სტარტაპთან და გლობალურ კომპანიებთან, მათ შორის, SolarisBank, Gorillas, Revolut, Acelr8, Trade Republic, Vay, და ახლა უძღვება ტელეკომ სტარტაპ Gigs-ის ტალანტების გუნდს და ასევე, სერვისს & კონსულტაციას უწევს ათობით Seed to Series E ეტაპზე მყოფ ევროპულ და ამერიკულ ტექ. კომპანიას. Gorillas-ში მუშაობისას, რომელმაც ევროპაში ყველაზე სწრაფად, 10 თვეში მიაღწია უნიკორნის სტატუსს, ის უძღვებოდა რეკრუტმენტის გუნდს, რომელმაც 1 წლის განმავლობაში 7000 თანამშრომელი აიყვანა და გაიარა hypergrowth ეტაპი. როგორც Talent Advisor, გიგა დეველოპმენტთან & რეკრუტინგთან დაკავშირებულ ტრენინგებს უტარებს ტექ ორგანიზაციებს, სტარტაპებს და ვენჩუარ კაპიტალ ინვესტორებს, ასევე, Google-ის ინკუბატორის მონაწილე კომპანიებსა და მათ დამფუძნებლებს.

გუჯას 5+ წლიანი გამოცდილება აქვს მონაცემთა ინჟინერიისა და ანალიტიკის სფეროში ლიდერულ პოზიციაზე. ამჟამად EPAM Global-ში Senior Data Engineer-ის პოზიციას იკავებს და ასევე არის მონაცემთა ინჟინერიის გუნდის ხელმძღვანელი მსოფლიოს წამყვან ფარმაცევტულ კომპანიაში სამეცნიერო კვლევებისა და გადაწყვეტების დეპარტამენტში. ამასთან, სწავლობს გერმანიაში – Constructor University-ში, მონაცემთა ინჟინერიისა ანალიტიკის სამაგისტრო პროგრამაზე. იგი არის საერთაშორისოდ სერტიფიცირებული მონაცემთა ინჟინერი შემდეგი მიმართულებებით: AWS Certified Data Analyst, AWS Certified Cloud Data Engineer და Google Cloud Platform (Professional Data Engineer). გუჯას აქვს მრავალი კონტრიბუცია გავრცელებულ ტექნოლოგიებსა და მონაცემთა ინჟინერიის ისეთ ბიბლიოთეკებში, როგორებიცაა Apache Airflow, Kafka, Pandas, NumPy, JIT, Numba, FastAPI და Anndata. სხვადასხვა დროს იყო Google Developer Student Club-ის ლიდი, სტარტაპ Radix-ის დამფუძნებელი და საქართველოს ინოვაციებისა და ტექნოლოგიების სააგენტოს გრანტის მფლობელი. გუჯა არის Massachusetts Institute of Technology Global Startup Labs Program-ის ბენეფიციარი.

ქეთის ციფრული პროდუქტის დიზაინის მიმართულებით 5 წლიანი გამოცდილება აქვს. ამჟამად პროდუქტის დიზაინის გუნდის ლიდერია Adjarabet-ში, მანამდე კი თიბისი ბანკის ციფრული გადახდების პროდუქტების განვითარებაზე მუშაობდა. უმუშავია გემბლინგ, საბანკო, ციფრული გადახდების, e-commerce-ისა და პროდუქტიულობის ციფრულ პროდუქტებზე, როგორც დიდი საერთაშორისო კომპანიებისთვის, ისე ქართული და უცხოური სტარტაპებისთვის. აქვს ბიზნეს ადმინისტრირების ხარისხი და სერტიფიცირებულია Nielsen Norman Group-ისგან (NN/g-ისგან) UX კვლევასა და UX მენეჯმენტში.

ოთოს გრაფიკული დიზაინის ინდუსტრიაში მუშაობის რამდენიმეწლიანი გამოცდილება აქვს. კარიერა Holmes & Watson-ში დიჯითალ დიზაინერად დაიწყო და მალევე კრეატივის გუნდს შეუერთდა ბრენდინგისა და კამპანიების მიმართულებით. შემდეგ საქართველოს ბანკის Senior Graphic Designer-ის პოზიცია დაიკავა. ამჟამად მუშაობს ფრილანსზე და ფოკუსირებულია ლოგოსა და ბრენდინგის მიმართულებით. მას ასევე უმუშავია ისეთი პროექტებისთვის, როგორებიცაა საქართველოს ბანკის “გავშლით ფრთებს”, “Update”, “არ გაჩერდე”, “500 Startups Georgia”, თიბისის “შენ”, “ახალი წელი მოსულა”, ასევე “GBF” რებრენდინგსა და “Tbilisi School of Communication” ბრენდინგზე

სულხანს მარკეტინგის დირექტორის პოზიციაზე მუშაობის 18 წლიანი გამოცდილება აქვს ისეთ დიდ ქართულ კომპანიებში, როგორებიცაა ჯეოსელი, ვისოლი, საქართველოს ლატარიის კომპანიია. იგი იკავებდა Adjarasport-ის მარკეტინგის დირექტორის პოზიციას რამდენიმე წლის განმავლობაში, მოგვიანებით კი ხელმძღვანელობდა Aptos-ის მარკეტინგის დეპარტამენტს. ამ ეტაპზე კარიერას აგრძელებს ფრილანსინგის მიმართულებით და კომპანიებს ეხმარება კომუნიკაციის სწორად დაგეგმვასა და წარმართვაში. აღსანიშნავია ისიც, რომ სულხანი ლონდონის ეკონომიკის სკოლის MBA-ია.

ანანო უკვე მე-5 წელია ფრილანს ილუსტრატორია და მუშაობს ისეთ კლიენტებთან, როგორიცაა: The New York Times, Chanel, BAFTA, FILA, Adobe, Meta, Airbnb, The Washington Post, The New Yorker, The Hollywood Reporter და მრავალი სხვა. კომერციული პროექტების გარდა, ანანო დიდ დროს უთმობს პერსონალურ ნამუშევრებსა და ჩანახატებს. ის არის Young Guns 19-ის ფინალისტი და Communication Arts Excellence Award 2022-ისა და Communication Arts Excellence Award 2023-ის მფლობელი. პორტფოლიოს ბმული: anamiminoshvili.com

გუგა ფილადელფიის Temple University-ის გამოთვლითი მონაცემთა მეცნიერების (Computational Data Science) პროგრამის მაგისტრია, რომელზეც Fullbright-ის სრული დაფინანსებით ჩაირიცხა. იგი ამჟამად თავისუფალი სკოლის ბორდის წევრი და პროექტების მენეჯერია. უმუშავია ქართულ ფინტექ სტარტაპში “Optio.ai”-ში Machine Learning Engineer-ის პოზიციაზე. გამოქვეყნებული აქვს რამდენიმე სტატია სხვადასხვა სამეცნიერო ჟურნალში, მათ შორის უკანასკნელი ეხებოდა მის სამაგისტრო თეზისს: “Time management in a chess game through machine learning”. ის ამჟამად მონაცემთა მეცნიერის პოზიციას იკავებს საქართველოს ბანკში.

მარიამს გრაფიკული დიზაინის სფეროში 7 წლიანი გამოცდილება აქვს, რომლის განმავლობაში უთანამშრომლია Betterfly DDB, Holmes&Watson და TBC-სთან, სადაც მუშაობდა სოციალურ მედიაზე, ბრენდინგზე, ილუსტრაციებსა და ინსტალაციებზე. ის ბოლო პერიოდში Space Neo Bank-ის არტ დირექტორის პოზიციას იკავებდა. Მას უმუშავია პროექტებისთვის: TBC Insurance-ის “შეცდომები მოსულა”, თიბისის #წერექართულად და “შენ”, TBC KAKABADZE-ს Multimedia Art Project GAMMA; Black Sea Jazz Festival X, Tbilisi Jazz Festival, ბრენდინგი: World Rugby U20 Championship, “შეერკინე მსოფლიოს” World Rugby U20 Championship 2019-სთვის და სხვა.

გიორგი უკვე 5 წელია ვებ-დეველოპმენტის სფეროშია. ამჟამად მუშაობს ჩეხურ კომპანია DigiSoul-ში React დეველოპერად. წლების განმავლობაში მუშაობდა სხვადასხვა სახის მსხვილ პროექტებზე ისეთ უცხოურ თუ ქართულ კომპანიებთან, როგორიცაა STC Delta, DGA (Digital Goodies Art) და სხვა. მათ შორის ისეთ საქმიანობებზე, როგორიცაა Crypto Trading სისტემები, e-commerce, ERP, LMS და მენეჯმენტის სისტემები

არტურს WEB Development-ში 5 წლიანი გამოცდილება აქვს, ამჟამად კი DataArt-ის .Net დეველოპერის პოზიციას იკავებს. მოცემული პერიოდის განმავლობაში უმუშავია როგორც საერთაშორისო, ისე ადგილობრივ პროექტებზე ისეთ კომპანიებთან, როგორებიცაა TBC Pay და Credo Bank. არტურის გამოცდილება მოიცავს საბანკო-საფინანსო, სადაზღვევო და ERP აპლიკაციების შექმნას. კარიერის განმავლობაში ძირითადად დაკავებული იყო Back-end ნაწილის დეველოპმენტით .Net Framework-ის გამოყენებით, ბოლო რამდენიმე წელია კი მუშაობას განაგრძობს როგორც Full Stack დეველოპერი და Back-end-თან ერთად პასუხისმგებელია Front-end-ის გამართულ მუშაობაზე. არტური ასევე მუშაობს Cloud Native აპლიკაციაზე და ითავსებს DevOps-ის მიმართულებას, რომელიც მოიცავს AWS სერვისების და დოკერის კონტეინერების შემქნას, ოპტიმიზაციასა და გამართვას.

გიორგი ბოლო 5 წელია Software Developer-ის პოზიციაზე მუშაობს, Ამჟამად  კი React Chapter Lead -ის პოზიციას იკავებს Omedia -ში. Მისი საქმიანობის ძირითადი სფერო ვებ დეველოპმენტია. ამ დროის განმავლობაში უმუშავია როგორც ადგილობრივ, ისე საერთაშორისო პროექტებზე, ძირითადად, ევროპულ და ამერიკულ ბაზრებზე, ისეთი პროდუქტების შესაქმნელად რომელიც მოიცავს: დაჯავშნის სისტემებს,  საფონდო ბირჟის ანალიზის ხელსაწყოებს, სატრანსპორტო/მარშრუტის დამგეგმავ აპლიკაციებსა და საბანკო/ფინანსურ სერვისებს.

უჩა არის ფილოსოფოსი, რომელიც ქმნის ბრენდებს. 2011 წელს უჩას სტრატეგიული ხელმძღვანელობით WINDFOR’S-ის სარეკლამო კამპანიამ Gold Eurobest, Silver Drum და Bronze Drum მოიპოვა. 2014 წლიდან უჩა HOLMES&WATSON-ში სტრატეგიას ხელმძღვანელობს, სადაც მან არაერთი გავლენიანი პროექტი განახორციელა, როგორიცაა “თიბისი”-ს ბრენდის სტრატეგია და სარეკლამო კამპანიები „გამარჯობა“ და „შენ“, ასევე – “თიბისი დაზღვევის” კამპანია “შეცდომები მოსულა”.

გიორგის Front-end პროგრამირებაში 7 წლიანი გამოცდილება აქვს. მისი ძირითადი საქმიანობის სფერო არის Angular და Typescript. გიორგის სამუშაო გამოცდილება დაიწყო Markup Development-ით კომპანია Singular-ში, რომელიც დღეს მსოფლიოში ერთ-ერთი მოწინავე კომპანიის, Flutter-ის ნაწილია iGaming ინდუსტრიაში, დღეს კი იმავე კომპანიაში იკავებს Senior Front-end დეველოპერის პოზიციას. პროფესიული კარიერის პარალელურად გიორგის აქვს ლექტორობის რამდენიმეწლიანი გამოცდილება.

გურიკა 10 წელზე მეტია ილუსტრაციების გაცოცხლებით არის დაკავებული. მისი ნამუშევრები მოიცავს როგორც 2D მოუშენ დიზაინს, ასევე 3D და ტრადიციულ ანიმაციას. აქვს ადგილობრივ კრეატიულ სააგენტოებთან და საერთაშორისო პროექტებზე მუშაობის მრავალწლიანი გამოცდილება ისეთ ბრენდებთან, როგორებიცაა Roger Vivier, Wolt, Topo Chico, Stack, Idorsia. 2020 წლიდან არის ანიმაციის სტუდია “Ping Pong”-ის თანადამფუძნებელი, ამჟამად კი ხელმძღვანელობს ანიმაციის გუნდს “Holy Motors”-ში.

2018 წლის ახალგაზრდა მარკეტერების გამარჯვებული, ნათია სვანიძე საკომუნიკაციო სივრცეში ერთერთი ყველაზე აქტიური ბრენდის – Giovanni Morra-ს დამფუძნებელია. ნათია ასევე “თიბისი“-ს პროგრამა სტარტაპერის ერთერთი შემქმნელია. ამჟამად ნათია ნეობანკ „სფეისი“-ს „მომხმარებლის გამოცდილების“ გუნდის ლიდერია.

2018 წელს, გაგა ფორბსის 30 წლამდე 30 საუკეთესო მარკეტერს შორის მოხვდა. გაგა დიჯითალ სააგენტო „Redberry”-ს დამფუძნებელია. ბოლო ორი წლის განმავლობაში მან 70-ზე მეტი ჯილდო მოიპოვა საკომუნიკაციო ფესტივალებზე. 2019 წელს რედბერიმ მოიზიდა 3.2$ მლნ – ის ინვესტიცია, იმისთვის რომ შეექმნათ სტარტაპ სტუდია. სწორედ ამის ფარგლებში შექმნეს სტარტაპი “Lanchoba”.

ევროპის არტ დირექტორთა კლუბის სპიკერი, ლადო მალაზონია, ექვსი წლის განმავლობაში მუშაობდა Windfor-ის მთავარ სტრატეგად, სადაც მან ითანამშრომლა წამყვან ქართულ კომპანიებთან. მან 2017 წელს კანის ვერცხლის ლომი მოიგო. ცოტა ხნის წინ ლადო შეუერთდა მსოფლიო მარკეტინგული კომუნიკაციების ბრენდს ჯეი ვალტერ ტომპსონის ქართულ ოფისს – JWT Metro-ს და იკავებს სტრატეგიის ხელმძღვანელის თანამდებობას.

გიორგის საბანკო სივრცეში 7 წელზე მეტი მუშაობდა, სადაც ის ძირითადად პროდუქტების შექმნით და განვითარებით იყო დაკავებული. 2016 წელს ის გახდა Optio.ai-ს ერთ-ერთი დამფუძნებელი – ფინტექ სტარტაპის, რომელიც ეხმარება ბანკებს გადაიტანოს მომხმარებლის ფინანური ოპერაციები დიალოგის რეჟიმში. ასევე, Optio.ai პირადი ფინანსების მენეჯმენტში ეხმარება მომხმარებელს. მან 2019 წელს Gita-ს 100 000 გრანტი მოიპოვა. გიორგი 2 სტარტაპ აქსელერატორის კურსდამთავრებულია.

დავითს პროგრამირების 17 წლიანი სამუშაო გამოცდილება აქვს. Angular-ის გამოყენება 2016 წლიდან დაიწყო, როდესაც ჯერ კიდევ ბეტა ვერსია იყო და დღემდე ჩაუნაცვლებლად იყენებს ამ ფრეიმვორკს სისტემების Front-end-ის შესაქმნელად. ტექნოლოგიურად მრავალფეროვან გამოცდილებასთან ერთად მას უმუშავია სხვადასხვა როლით, იქნებოდა ეს IT კონსულტანტი, პროექტების მენეჯერი, თუ ბიზნეს მიმართულების ხელმძღვანელი ისეთ კომპანიებში, როგორიცაა UGT, Tera Bank  და საქართველოს რკინიგზა. დავითი ახლა წარმატებული ქართული სტარტაპის, Optio.ai-ს ტექნიკური დირექტორი და ბიზნეს პარტნიორია. ის ხელმძღვანელობს კომპანიის წამყვანი პროდუქტის პროგრამირებას, რომლის Front-end სრულად Angular-ზე იწერება.

სანამ თავის კუთვნილ კომპანიას Alice Q.-ს შექმნიდა, ირინა Mozaika-ში მუშაობდა ღონისძიებების განყოფილების უფროსად. ის 12 წელია მოღვაწეობს ღონისძებების მენეჯმენტის სფეროში და მას 350-ზე მეტი ივენთი აქვს გამართული.

სიბი სპონსორებთან და პარტნიორებთან ურთიერთობის დეპარტამენტის ხელმძღვანელია Dubai Opera-ში 2016 წლიდან. მხოლოდ ორი წლის განმავლობაში მან $5.000.000-ის ღირებულების კონტრაქტები დადო სპონსორებთან. ის მუშაობდა Apple-სთან, Jaguar-თან, MasterCard- თან გრძელვადიან პროექტებზე. ასევე მონაწილეობდა Christian Dior-ის, Bvlgari-ის, Hermes-ის და Pandora-ს მოკლევადიან პროექტებში Dubai Opera-სთან.

პიტერი, ციფრული მარკეტინგის სპეციალისტი, 2014 წლიდან დღემდე იკავებს TUNE-ის აღმასრულებელი დირექტორის პოზიციას. მისი ხელმძღვანელობით Tune-მა მოიპოვა $36.4 მლნ-ის დაფინანსება martech-ის კატეგორიაში, გახსნა მსოფლიოს მასშტაბით 9 ოფისი და გაზარდა გუნდი 350 ადამიანამდე.

ჯენიფერი 2018 წელს Forbes-ის 30 წლამდე 30 მარკეტერს შორის საუკეთესოდ დასახელდა. 2015 წლიდან ის იყო TUNE- ის მარკეტინგის ვიცე-პრეზიდენტი. 2018 წელს იგი გახდა Convoy-ის მარკეტინგის ხელმძღვანელი, ამავე წელს Convoy Business Insider-ის 51 საუკეთესო სტარტაპში შევიდა. ასევე, LinkedIn-ის 50 საუკეთესო სტარტაპს შორის მოხვდა. ჯენიფერი არის ვაშინგტონის უნივერსიტეტის ფოსტერის ბიზნესის სკოლის მოწვეული პროფესორი.