მარკეტინგის მენეჯმენტი გულისხმობს სხვადასხვა მარკეტინგული ოპერაციებისა და მათში ჩართული ადამიანების მართვას. უფრო კონკრეტულად, იგი მოიცავს კომპანიის საკომუნიკაციო ამოცანების განსაზღვრას, მარკეტინგული სტრატეგიებისა და კამპანიების შემუშავებას, ბაზრის კვლევას, ბიუჯეტის გაწერას, გუნდის წევრების მართვას.
თუკი მარკეტინგის სფეროში მუშაობ და კარიერულ განვითარებაზე ფიქრობ, ეს ბლოგი დაგაინტერესებს. გაიცანი ლევან თაღიაშვილი, რომელმაც მარკეტინგის მენეჯმენტის კურსი Commschool-ში გაიარა და ამჯერად პროგრამის შესახებ საკუთარ შთაბეჭდილებებს გიზიარებს.
ლევანი საქართველოს ბანკში ბრენდ მენეჯერის პოზიციას იკავებს. თვითგანვითარება და გამოცდილი ადამიანების მოსმენა მისი ერთ-ერთი საყვარელი საქმიანობაა. ამიტომ, როდესაც Commschool-ის ლექტორის, სულხან ლაცაბიძის, ვიდეო იხილა, დარწმუნდა, რომ ეს კურსი მისთვის საინტერესო თავგადასავალი აღმოჩნდებოდა. ლევანი მოელოდა, რომ მარკეტინგის მენეჯმენტის პროგრამის ფარგლებში ბევრ ისეთ ამბავს გაიგებდა, რომელიც შემდგომში ყოველდღიურ საქმიანობაში ძალიან დაეხმარებოდა.
ეს მოლოდინი გამართლდა, რაც მეტწილად ლექტორის, მისი მიდგომებისა და უშუალობის დამსახურება იყო:
ლექტორის მიერ გულწრფელად მოყოლილი ამბები ჩემთვის გაცილებით უფრო ფასეული იყო, ვიდრე ნებისმიერი თეორიული წიგნი მარკეტინგზე. მისი მრავალწლიანი გამოცდილება მსხვილ ქართულ კომპანიებში და ის ისტორიები, რაც მოვისმინე, იყო ყველაზე ღირებული აქტივი, რომელიც კურსმა მომცა.
კურსის დასრულების შემდეგ ლევანს უკვე შეუძლია მარკეტინგის დეპარტამენტის სტრუქტურის გამართვა, ლიმიტირებული ბიუჯეტის/რესურსების ეფექტურად გამოყენება, კამპანიის გაშვების დამოუკიდებლად ორგანიზება. შეისწავლა პრეზენტაციის ჩატარების ტექნიკები და გამოიმუშავა კომპანიის სხვა წევრებთან ურთიერთობის უნარები.
Commschool-ის სტუდენტები კურსის ბოლოს ინდივიდუალურ ფინალურ პროექტზე მუშაობენ, რაც მიღებული თეორიული ცოდნის პრაქტიკაში გამოცდის საშუალებას აძლევთ. მარკეტინგის მენეჯმენტის პროგრამის დასასრულს ლევანმა კონკრეტული კომპანიისთვის კამპანიის შემუშავებასა და ბიუჯეტის გაწერაზე იმუშავა. დავალების წარმატებით შესრულებაში ლექტორის რჩევები დაეხმარა. იგი ბიუჯეტის სწორად განაწილებასა და პრიორიტეტების განსაზღვრაში ეხმარებოდა, რაც საბოლოოდ, მომავალში აუცილებლად გამოადგება. ლევანი აღნიშნავს, რომ პროგრამის გავლის შემდეგ დეტალებზე უფრო მეტად ორიენტირებული გახდა, რასაც აქამდე ყურადღებას არ აქცევდა:
ჩემი აზრით, კურსის შემდეგ დიდ სურათს გაცილებით უკეთ აღვიქვამ და ეს ყოველდღიურ საქმიანობაზეც აისახება.
ლევანის აზრით, მარკეტინგის მენეჯმენტი გამოადგებათ დამწყებ მარკეტერებსაც, რადგან შესაბამის თეორიულ ცოდნას მიიღებენ. თუმცა კურსის შინაარსიდან და სილაბუსიდან გამომდინარე, იგი უფრო მეტად რელევანტური მაღალი დონის პროფესიონალობის მსურველთათვისა და მომავალი CMO-ებისთვის იქნება. ამიტომ, კურსის გავლას ურჩევს მათ, ვისაც უკვე აქვთ გარკვეული გამოცდილება მარკეტინგის სფეროში და კარგად ესმის ის კონკრეტული ბიზნესი/საქმიანობა, სადაც მარკეტინგის ხელმძღვანელად სურთ მუშაობის დაწყება. მომავალ CMO-ებს კი ეტყოდა, რომ სამსახური მათ საყვარელ ჰობისა და ინტერესებს დაუკავშირონ, რადგან ეს მათი წარმატებული კარიერის საწინდარი იქნება.
მე კი გირჩევ, რომ შენი გზა მარკეტინგის სფეროში პროფესიული ზრდისკენ Commschool-დან დაიწყო. შემოგვიერთდი Marketing Management-ის პროგრამაზე!
