რა არის მონაცემებზე ორიენტირებული მარკეტინგი?

ერთ-ერთი მთავარი გზა, იმისთვის რომ დაეუფლო Data Driven მარკეტინგს, არის შენივე სამიზნე ჯგუფისთვის სხვადასხვა კითხვების დასმა. კლიენტი გადის გზას პრობლემიდან – წარმატებამდე. შენი მოვალეობაა, რომ გამოავლინო რა პრობლემები და დაბრკოლებები არის მათი გამოცდილების/გავლილი გზის ნაწილი და შეეცადო მათი მოგვარება. ამისთვის კი შემდეგი ნაბიჯების გადადგმაა რეკომენდირებული:

• პრობლემის აღმოჩენა – მომხმარებელთან კომუნიკაციისას მარტივად გაიგებ იმ პრობლემებს, რომლებსაც ისინი აწყდებიან. შენმა პროდუქტმა ან სერვისმა უნდა გადაჭრას, ან, სულ მცირე, შეამსუბუქოს ეს პრობლემა.
• მოგვარების განხორციელება – მას შემდეგ, რაც გაერკვევი სამიზნე ჯგუფის პრობლემებში, მოგიწევს ამ პრობლემის გამოსწორებისთვის გზის პოვნა. 
• დაბრკოლებების გადალახვა – Bounce rates – ალბათ გსმენია მათ შესახებ. SEO ექსპერტებს უყვართ ბიზნესში ამ ტერმინის გამოყენება. როდესაც მუშაობ Data Driven მარკეტინგული სტრატეგიის გარეშე, ვებსაიტებზე შეხვდები უფრო მაღალ bounce rates. ეს იმიტომ ხდება, რომ თავდაპირველად არ განიხილეთ რა დაბრკოლებები არსებობდა სტრატეგიაში. შესაძლოა შენი ვებსაიტი ძალიან ნელია, ან ვებსაიტის ასლი უბრალოდ არ ემთხვევა იდეალურ სამიზნე ჯგუფს. სწორედ ამიტომ უნდა ჩაუღრმავდე ამას და კარგად გამოიკვლიო მონაცემები.
• ცნობიერების დონის გაანალიზება – იციან თუ არა შენმა მომხმარებლებმა შენი ბრენდის შესახებ? იციან თუ არა მათ პრობლემის ან გამოსავლის შესახებ? მანამ სანამ ფულს დახარჯავ ძვირადღირებულ კამპანიებში, დარწმუნდი, რა ეტაპზეა შენი პროდუქტისთვის იდეალური მომხმარებელი.
• იყავი განსხვავებული –  ყველა ბრენდი ცდილობს მიიპყროს ყურადღება. ისინი აღწევენ ადამიანის გონებაში მხოლოდ იმისთვის, რომ დაარწმუნონ ისინი იყიდონ რაღაც პროდუქტი ან სერვისი. მსოფლიოში დაახლოებით 213 მილიონი ბიზნესი არსებობს, ამიტომ შენ უნდა გააკეთო რაღაც განსხვავებული, რომ გამოირჩეოდე. ასე რომ, როდესაც შენი კონკურენტი ირჩევს წითელს, შენ სულაც არ გჭირდება ლურჯი ფერი. უბრალოდ იყავი საუკეთესო წითელი, რაც კი ოდესმე გინახავს.