მომხმარებლის ინტერფეისის (UI) დიზაინი ფოკუსირებულია იმის წინასწარმეტყველებაზე, თუ რა შეიძლება დასჭირდეთ მომხმარებლებს და იმის უზრუნველყოფაზე, რომ ინტერფეისს ჰქონდეს ელემენტები, რომლებზეც მარტივი წვდომა და გამოყენების შესაძლებლობა ექნებათ. UI აერთიანებს კონცეფციებს ინტერაქციის დიზაინიდან, ვიზუალური დიზაინიდან და ინფორმაციის არქიტექტურიდან.
იქიდან გამომდინარე, რომ პროდუქტისა თუ ბიზნესის წარმატება უმეტესად მომხმარებლის გამოცდილებაზეა დამოკიდებული, UI დიდი მნიშვნელობა ენიჭება. ამ ბლოგში კი გაგაცნობ UI Design-ის კურსდამთავრებულ, ოთო ცეცაძეს, რომელიც გვიზიარებს თავის შთაბეჭდილებებს კურსის მიმდინარეობასა და ფინალურ პროექტზე.
UI Design-ის კურსის განმავლობაში სტუდენტები, ლექტორთან ერთად, სრულად განიხილავენ ყველა იმ ეტაპს და მეთოდს, რასაც ინტერფეისის დიზაინერის მოვალეობა და სამუშაოს სპეციფიკა ითვალისწინებს: ბრიფისა და კონცეფციის ანალიზიდან დაწყებული, კომპლექსური Wireframe-ის, დიზაინ სისტემის, Flow-ს, სტრუქტურის შემუშავებით, ტესტინგითა და პროტოტაიპის პრეზენტაციით დასრულებული.
სფეროში არსებული ტექნიკების შესწავლასთან ერთად, ოთოს თქმით, კურსის დადებითი ნაწილია მისი ინტერაქციული ლექციები, დატვირთული გაცვლითი ინფორმაციით.
რაც შეეხება ფინალურ პროექტს, რომლის ფარგლებშიც სტუნდეტები დამოუკიდებლად მუშაობენ, ოთოსთვის ძალიან ცოცხალი და ორმხრივი პროცესი იყო, რომლის განმავლობაშიც სრულიად მზად იყო პროექტზე პასუხისმგებლობა აეღო. ბრიფის იმიტაცია მისთვის ერთ-ერთი ყველაზე ღირებული ნაწილი იყო კურსის განმავლობაში.
თითქმის სულ პროექტზე მეფიქრებოდა. რას როგორ გავაკეთებდი, მომეწონებოდა თუ არა, შეცოდმები მალე გამომესწორებინა და ასე შემდეგ, ძალინ ცოცოხალი და რეალური გამოვიდა ეს ყველაფერი, რამაც მოიტანა დიდი მნდომება და ინტერესი იმასადმი თუ როგორ შემექმნა ისეთი დიზაინი რომელიც მომხმარებელს მოეწონებოდა.
მე კი გეტყვი, რომ თუ დაინტერესებული ხარ UI Design-ით და გსურს პროფესიულ ცოდნასთან ერთად მიიღო უდიდესი მოტივაცია და გამოცდილება, ქომსქულში გელოდებით!
