როდის ხდება რეკლამა გასართობი და არა შემაწუხებელი?

სარეკლამო კამპანიების ზრდა შეუქცევადი პროცესია, თუმცა რამდენი მათგანი ითვალისწინებს მომხმარებლის გამოცდილებას და სცდება დაბლოკვას? როდის ხდება რეკლამა გასართობი და არა შემაწუხებელი? როგორ ახერხებს ამას ზოგიერთი ბრენდი? რა დგას ეფექტური სარეკლამო კამპანიის უკან? რეკლამის გარშემო არაერთი კითხვა არსებობს, მე კი შევეცდები ამ ბლოგში ზოგადად გადმოგცეთ თუ ვინ დგას კრეატიული რეკლამის უკან, რა როლი აქვს კრეატიულ სააგენტოს ბრენდის განვითარებაში და რას უნდა ელოდოთ თუ თქვენც სარეკლამო ინდუსტრიით ხართ დაინტერესებული.

მარტივად რომ ვთქვათ, რეკლამის წარმატება სარეკლამო კომუნიკაციის საფუძვლების, ძირითად პრინციპებისა და ინსტრუმენტების ცოდნაზეა დამოკიდებული. სარეკლამო ინდუსტრიის შიდა სამზარეულო საკმაოდ მრავალფეროვანია და მოიცავს იმ ადამიანებს, რომლებიც ბრენდის განვითარების სტრატეგიას ადგენენ, ფუთავენ და შემდგომ ეს ყველაფერი მომხმარებელთან სწორედ რეკლამის სახით მიაქვთ.

კრეატიულ სააგენტოებზე წარმოდგენები ხშირად მცდარია. დამკვეთის სურვილებზე მორგება, სტრატეგიის განსაზღვრა და გუნდის მენეჯმენტი ბევრად მეტს მოითხოვს ვიდრე ეს ერთი შეხედვით ჩანს.

როგორც უკვე აღვნიშნე, რეკლამისა და ბრენდის იმიჯის შექმნის პროცესში არაერთი ადამიანია ჩართული, ესენი არიან: ექაუნთ მენეჯერი, არტ-დირექტორი, კრეატიული დირექტორი, კონტენტ მენეჯერი, ქოფირაითერი, დიზაინერი, ოფის მენეჯერი, აიტი სპეციალისტი, ფინანსური მენეჯერი და სხვა. სწორედ მათი და ერთიანი, სწორი სტრატეგიის დამსახურებით იქმნება ბრენდი და შემდგომ რეკლამა, რომელიც სწორ დროს, სწორ ადგილასა და სწორ აუდიტორიასთან ხვდება.

ეფექტური რეკლამის უკან არაერთი იმედგაცრუება შეიძლება იმალებოდეს, რადგან მის უკან ხანგრძლივი და რთული პროცესები დგას. ყველაზე მნიშვნელოვანია შექმნილი კონტენტი სწორედ მოვარგოთ დამკვეთის ინტერესებს, რაც ხშირად არ ხდება და მისი რამდენჯერმე ცვლილებაც კი გვიწევს.

თუმცა, აუცილებლად უნდა აღვნიშნოთ, რომ კრეატიულობას დიდი ძალა აქვს, რომელსაც მოაქვს რეალური შედეგები. რეკლამა, რომელიც არის კრეატიული, არ ჰგავს სხვას და გათვლილია სწორ სეგმენტზე, არასდროს გახდება მოსაწყენი.

ამიტომ, თუ რეკლამის ნახვის შემდეგ, ერთხელ მაინც, შთაბეჭდილებების ქვეშ ყოფილხარ, აუცილებლად გაიხსენე თუ რა გზა განვლო მან შენამდე მოსაღწევად და ვინ დგას ამ ყველაფრის უკან.

თუ სარეკლამო ინდუსტრიით შენც ხარ დაინტერესებული გაეცანი Creative Advertising-ის კურსს და