“ფინალურმა პროექტმა დამარწმუნა, რომ ვიპოვე საქმე, რომელიც ჩემია” – ელენე გოგშელიძე

წარმოიდგინე, შენი ინსპირაცია ძველი, გაფუჭებული ქურა რომ გამხდარიყო… 

არ ვიცი, რამდენად მარტივად წარმოიდგენ, თუმცაღა ელენე გოგშელიძის შემთხვევაში სწორედ ამ ნივთით დაიწყო კრეატიული მოვლენათა ჯაჭვი, რომელსაც ბოლომდე გაყვა. 

მე კი ამ ბლოგში სწორედ ამ „ბოლო“-ზე მოგიყვები, რომელიც Content Management-ის კურსის ფარგლებში ფინალურ ნაშრომს წარმოადგენს.

აქვე, მოკლე ინკურსი: Content Management არის Commschool-ის პროგრამა, რომელიც ეძებს, აღმოაჩენს და უნარების უკეთ განვითარებაში ეხმარება ამჟამინდელ ან მომავალ შემოქმედებს.

მისი გავლის შემდეგ, შეძლებ:

• განსაზღვრო რა დროს, როგორი კონტენტია საჭირო შენი აუდიტორიისთვის
• დაგეგმო და აღასრულო კონტენტ კამპანია დამოუკიდებლად და ჩაშალო სხვადასხვა სოციალურ მედია არხში
• დამოუკიდებლად შექმნა ბლოგი, ფოტო და ვიდეო მასალა ბრენდისთვის – გაიაზრო ყოველ ნაბიჯზე რა სჭირდება შენს კონკრეტულ საქმეს

კურსის ბოლოს  სტუდენტები ასრულებენ ფინალურ ნაშრომს, რომელიც საშუალებას აძლევს გამოავლინონ საკუთარი ფანტაზია და კრეატიული იდეები რეალობად აქციონ.

ელენე გოგშელიძემ კი დავალებას წარმატებით გაართვა თავი. ის კი არა, მისი თქმით, იდეა მასთან თავისით მივიდა, პირდაპირ სახლში და პირდაპირ მამის ხელიდან, ძველი, გაფუჭებული ქურის სახით, რომელსაც გადაგდებას უპირებდნენ.