ახალი პროგრამის გავლის შემდეგ ალბათ შენთვისაც საბოლოო მიზანი მიღებული ცოდნის პრაქტიკაში გადატანა და კონკრეტული მიმართულებით დამოუკიდებლად განვითარებაა. გიგა წერეთელი Motion Design-ის კურსდამთავრებულია, რომელსაც კურსზე მიღებული გამოცდილება კარიერული განვითარების შემდეგი ნაბიჯის გადადგმაში დაეხმარა:
კურსის დასრულების შემდეგ 4media სააგენტოში შეიცვალა ჩემი პოზიცია, გავხდი Motion დიზაინერი და ახალი შემართებით/ძალებით ახალ პროექტებზე ვიმუშავე
ამ მხრივ კიდევ მეტს მოგიყვები. Commschool-ში ნებისმიერი კურსის წარმატებით დასრულების შემთხვევაში Alumni Club-ის წევრი ხდები, რითაც პარტნიორ კომპანიებში ექსკლუზიური სამუშაო შეთავაზებით, სტაჟირებებითა და კონსულტაციებით სარგებლობ. პარტნიორ კომპანიებში კი შედიან: JWT Metro, Redberry, Holmes&Watson, adjarabet და სხვან
გიგასთვის პროგრამაზე მიღებული ცოდნა ღირებული აღმოჩნდა. მან, როგორც სხვა კურსდამთავრებულებმა, ბრიფებზე დაყრდნობით 30 წამიანი Explainer ვიდეო შექმნა. ფინალურ პროექტთან ბლოგში გიგას პორტფოლიოც შეგიძლია იხილო:
“ჩემი ფინალური პროექტი, ტანსაცმლის ონლაინ მაღაზია “New style”-ის მოკლე ანიმაციური ვიდეოა, სადაც გამოხატული უნდა ყოფილიყო ამ პლატფორმის სიმარტივე და პრაქტიკულობა. რატომ ავირჩიე ეს თემა, განსაკუთრებული მიზეზი არ მაქვს, ჩემთვის მთავარი იყო, ანიმაციაში გამომეყენებინა ის ყველაფერი, რაც კურსის დროს შევისწავლე და გარკვევით მეპასუხა დავალებაზე”.
გიგას თქმით, ვიდეოს შექმნის პროცესმა მისი პრაქტიკული უნარები დახვეწა და ცოდნაც გაუფართოვა:
ფინალური პროექტის შექმნა საკმაოდ საინტერესო იყო, რადგან რეალურ ბრიფებთან და დედლაინებთან მუშაობისას, ჩვენი შესაძლებლობები გამოვცადეთ, რაც სამომავლოდ გამოგვადგება.
ვთვლი, რომ ასეთი პროექტების კეთება კარგია ჩვენი სქილების განვითარებისთვის, რადგან ამ დროს შეიძლება ბევრ ახალ პრობლემას გადააწყდე ანდაც ექსპერიმენტები ატარო (ტექნიკური თვალსაზრისით) და მიიღო დამკვეთთან მუშაობისა და მიდგომის რეალური გამოცდილება.”
გიგას კურსის განმავლობაში მიღებული ცოდნა პროფესიულ განვითარებაშიც დაეხმარა:
"მიღებული ცოდნა ძალიან დამეხმარა კარიერულ წინსვლაში, რადგან გვასწავლიდა პროფესიონალი ლექტორი და ამ გამოცდილების მიღებას დამოუკიდებლად, შეიძლება, ბევრად დიდი ხანი დასჭირვებოდა და ბევრად რთულიც ყოფილიყო. კურსისგან მივიღე ის, რასაც ველოდი, შეიძლება ითქვას - მეტიც".
ის თუ როგორ შეაფასებდი Commschool-ს, გიგა ამბობს:
ყურადღებიანები, მეგობრულები, პროფესიონალები
Commschool-ში Motion დიზაინის კურსის გავლა სულ 16 ლექციაში, ანუ 48 საათშია შესაძლებელი, სწავლას კი ნულიდან იწყებ. პროგრამის გავლის შემდეგ შეგეძლება:
ნებისმიერი სახის გრაფიკული გამოსახულების გაცოცხლებას, სარეკლამო რგოლების შექმნას, ვიდეო, ფოტო და აუდიო მასალასთან მუშაობას After Effect-ით და ა.შ. რაც მთავარია, ისწავლი დამკვეთისგან მიღებული ბრიფის სწორად გააზრებას, ასევე, პროექტის სირთულისა და ბიუჯეტის განსაზღვრას და შეეჩვევი ორგანიზებულად მუშაობას.
თუ Motion Design-ის სფერო გაინტერესებს, შეგიძლია აღარ დააყოვნო, რეგისტრაცია ახლავე გაიარო და შემოგვიერთდე!
ავტორი: მარიამ ჯაფარიძე
