გურანდა დარჩიძის ფინალური პროექტი – Content Management

თუ სოციალური ქსელებისთვის კონტენტის შექმნა შენთვის საინტერესოა და შენს პროფესიადაც სიამოვნებით აქცევდი, მაშინ Commschool-ის კონტენტ მენეჯმენტის კურსმა შესაძლოა, დაგაინტერესოს: კონტენტ კამპანიის დამოუკიდებლად წარმართვისთვის საჭირო ყველა ტექნიკურ დეტალთან ერთად კონტენტის კრეატიულ იდეებამდე მისასვლელი გზის კონტროლსაც ისწავლი. კონტენტის კურსდამთავრებულის, გურანდა დარჩიძის აზრით, კურსი მას სწორედ კრეატიული აზროვნების პატერნის ჩამოყალიბებაში დაეხმარა:

“კურსი ძალიან დამეხმარა, მთელი პროცესი დამენახა უწყვეტ ჯაჭვად, სადაც ყველაფერს თავისი ადგილი აქვს: აქ კარგად ხვდები, როგორ დაგეგმო სამუშაო, მოიფიქრო იდეები და მიიტანო შესაბამის აუდიტორიამდე. ასევე, გასწავლიან, რა გაითვალისწინო მუშაობისას და სად მოიძიო საჭირო ინფორმაცია.”

7-კვირიანი ინტენსიური კურსის განმავლობაში გურანდამ კონტენტ კამპანიის დაგეგმვა-ჩატარების, მედიაში გაშლისა და აუდიტორიამდე სწრაფად და ეფექტურად მიტანის უნარები შეიძინა; ამისათვის ის კურსის განმავლობაში თეორიასთან ერთად პრაქტიკულ დავალებებსაც ასრულებდა; როგორც თავად აღნიშნავს, საბოლოო, ფინალური დავალება განსაკუთრებით სასარგებლო აღმოჩნდა:

“ფინალურ პროექტზე მუშაობა ძალიან საინტერესო და სახალისო იყო. გამოცდა ისე იყო შედგენილი, რომ თეორიულ ნაწილში მიღებული ცოდნის მთლიანად გამოყენება მოგვიწია, შედეგად კი აშკარად დავინახე, რა და რამდენად სწორად გამიაზრებია.”

აქვე, გაეცანი გურანდას ნაშრომს:

გურანდამ ფინალური ნაშრომის თემატიკა თავად შეარჩია: წარმოსახვითად, თავის დამკვეთად პარლამენტის ეროვნული ბიბლიოთეკა აირჩია, რომლისთვისაც წერილების წერისა და ბიბლიოთეკის მიმართ ინტერესის გასაღვიძებელი კამპანია დაგეგმა. რა განცდა გექნებოდათ, ფეისბუქზე მარო მაყაშვილისა და ვირჯინია ვულფის წარმოსახვით მიმოწერას რომ გადაწყდომოდით? ჰიჩკოკისა და ლინჩის? და რა განცდა გექნებოდათ, თქვენ თუ მიიღებდით ფოსტით მარკიან, ძველებურ წერილს?

“ფინალურ პროექტზე თავიდან ცოტა ვნერვიულობდი. ზოგადად, მგონია, რომ სრულყოფილი კამპანიის გაკეთებას ბევრი ადამიანის გამოცდილება, ცოდნა და უნარ-ჩვევები სჭირდება, მაგრამ ფინალურ პროექტზე მუშაობისას მივხვდი, რომ მონდომებით შესაძლებელია, დამოუკიდებლადაც გაართვა თავი, მით უმეტეს, როცა თეორიული ცოდნა უკვე გაქვს. ყველაფერი შენზე რომ ხდება დამოკიდებული, სასიამოვნოცაა და საპასუხისმგებლოც.”

საერთო ჯამში, გურანდასთვის კურსის გავლა ინფორმაციულთან ერთად სასიამოვნოც აღმოჩნდა:

“ჩემთვის კურსი, პირველდან ბოლო ლექციამდე, ერთი სასიამოვნო თავგადასავალი იყო. ვერასდროს წარმოვიდგენდი, რომ Zoom-ის სამსაათიან ლექციებს მოუთმენლად დაველოდებოდი, მაგრამ ასე იყო😊!”

ამ ყველაფერს კი, გურანდას თქმით, დიდი გამოცდილების მქონე ლექტორის რჩევები და ჯგუფური ატმოსფერო კიდევ უფრო სრულყოფილს ხდიდა:

“მნიშვნელოვანია, რომ კურსს გიკითხავს ტრენერი, რომელსაც ძალიან დიდი გამოცდილება და ცოდნა აქვს. თუმცა პროცესს კიდევ უფრო საინტერესოს ხდის ჯგუფის მონაწილეებთან ურთიერთობა, რომლებიც სხვადასხვა ბექგრაუნდითა და გამოცდილებით მოდიან. ყველაფერს ერთმანეთს უზიარებთ და თვალსაწიერსაც იფართოვებ”

გურანდას აზრით, Commschool-ის კონტენტ მენეჯმენტის კურსი ყველაფერთან ერთად თავისი სტუდენტების დროის რესურსსაც ზოგავს, რამდენადაც მინიმალურ დროში მაქსიმალურს აწვდის:

“კურსი ძალიან სასარგებლო და საინტერესო იქნება ნებისმიერი ადამიანისთვის, ვინც ამ მიმართულებით მუშაობას აპირებს. ეს კურსი დაეხმარებათ, დაზოგონ დრო და სწორ გზაზე დადგნენ თვითგანვითარების თვალსაზრისით.”

კურსი ნებისმიერი ადამიანისთვისაა, რომელსაც უნდა, რომ გახდეს შემოქმედი -კრეატორი, სურს ბრენდისა და მისი აუდიტორიის საჭიროებების იდენტიფიცირება, შესაბამისი კონტენტ კამპანიისთვის კრეატიული იდეების მოფიქრება და დამოუკიდებლად დაგეგმვა, კამპანიის ელემენტების (ბლოგი, ფოტო და ვიდეო მასალა) მომზადება და რაც მთავარია, კამპანიის დამოუკიდებლად ჩატარება – ეს ის უნარებია, რომლებსაც კონტენტ მენეჯმენტის კურსზე შეისწავლი. შემოგვიერთდი👇