“კუს ტბის” რედიზაინი- ალექსანდრე უფლისაშვილის ფინალური ნაშრომი

Როგორც ალექსანდრე აღნიშნავს, რედიზაინზე მუშაობის პროცესი ბრენდის შერჩევის თავისუფლებამ განსაკუთრებით სასიამოვნო გახადა. საკუთარი წარმოსახვის რეალობად ქცევის პროცესი კი ახლებური გამოცდილება იყო:

“ამ პროცესმა დამანახა, თუ როგორ შეიძლება, გონებაში არსებული იდეების მონახაზი გადაიქცეს ვიზუალურად აღქმად შედეგად.”

აქვე გეტყვით, რომ ალექსანდრე ამჟამად კრეატიულ სააგენტო ABK-ში გადის სტაჟირებას – შემოთავაზება მას კურსის დამთავრებისთანავე მოუვიდა. თუმცა, მის მიერ შესრულებული კუს ტბის რედიზაინი მთელი კურსის ტოპ 3 ნამუშევარს შორისაც მოხვდა, რამაც მას ასევე მისცა კრეატიულ სააგენტოში სტაჟირების გარანტირებულ შესაძლებლობა.

კურსის ასეთ წარმატებულ დასასრულს წინ შრომატევადი 2 თვე უძღოდა. Როგორც ალექსანდრე აღნიშნავს, კურსი მიღებული ცოდნის მხრივ გრაფიული დიზაინის კარგი ბაზისი აღმოჩნდა. Თუმცა ამ პროცესში, მისი აზრით, ცალკეულ თეორიულ მასალაზე მეტი  მნიშვნელობა ლექციებისთვის ლექტორის მიერ შერჩეულ ფორმატს ჰქონდა:

“კურსი ძალიან კარგი გზამკვლევი აღმოჩნდა გრაფიკული დიზაინის საწყისებში. ყველაზე მეტად გამოვარჩევდი იმას, რომ ლექტორი თავის კარიერულ გამოცდილებას გვიზიარებდა: ყოველი ლექცია არამარტო სილაბუსით გათვალისწინებულ ცოდნას გვაძლევდა, არამედ ერთგვარი case study გამოდიოდა; სტუდენტები ლექტორისგან სხვადასხვა ქეისებს ისმენდნენ, რაც შესაბამისი დისკუსიით გრძელდებოდა.”

Როგორც ალექსანდრე აღნიშნავს, Commschool-ში მან ისწავლა მეტი, ვიდრე, უბრალოდ, გრაფიკული დიზაინის ტექნიკური საფუძვლებია. Მისი თქმით, კურსმა მას გრაფიკული დიზაინერის პროფესიით რეალურ სამყაროში ორიენტირების უნარიც მისცა:

“Commschool-ში ჩავაბარე, რადგან მჯეროდა, რომ ეს კურსი, გრაფიკულ დიზაინს მხოლოდ ხელობის დონეზე არ ასწავლიდა. არამედ სტუდენტებს მაქსიმალურად აძლევდა იმის საშუალებას, რომ გაეგოთ, რას ნიშნავს, იყო გრაფიკული დიზაინერი რეალურ სამყაროში – როცა გიწევს კლიენტთან ურთიერთობა.”

კურსმა ალექსანდრეს ეს მოლოდინები გაუმართლა, ამიტომაც გრაფიკული დიზაინით დაინტერესებულ ნებისმიერ ადამიანს მის გავლას ურჩევდა:

“მოლოდინები გამიმართლდა და, შესაბამისად, კურსზე ჩაბარებას ვურჩევდი ყველა იმ ადამიანს, ვისაც ამ სფეროში მოღვაწეობა აინტერესებს.”

ალექსანდრე უფლისაშვილი 2 თვის განმავლობაში Commschool-ის გრაფიკული დიზაინის კურსს გადიოდა. ის უკვე კრეატიულ სააგენტოში გადის სტაჟირებას. Ასეთივე წარმატების მიღწევა თქვენც შეგიძლიათ – კურსი ახლახანს დამთავრდა და ის ახალ სტუდენტებს უცდის.

ჯგუფში ადგილები ლიმიტირებულია –  შემოგვიერთდი 👇